ভোগালী বিহুৰ আনন্দ, উৎসৱ’ৰ সময়তে দেওবাৰে দুটাকৈ হত্যাকাণ্ডই জোকাৰি গৈছে ওদালগুৰি জিলাৰ কলাইগাঁও চহৰ।
কলাইগাঁও থানাৰ অন্তৰ্গত তেজিয়ালপাৰা গাঁৱৰ বোৱাৰী তথা এটা সন্তানৰ মাতৃ মঞ্জু ৰাভা’ক নিজ স্বামী আৰু শাহুৱেকে ডিঙি চেপি হত্যা কৰাৰ অভিযোগ উত্থাপিত হৈছে।
দীৰ্ঘ দিন ধৰি মঞ্জুই স্বামী আৰু শাহুৱেকে অত্যাচাৰ কৰাৰ কথা নিজৰ ককায়েক ভায়েকক জনাই আহিছিল।
তেনে সময়তে দেওবাৰে মঞ্জু ৰাভাক মৃত অৱস্থাত দেখি এয়া এক হত্যাকাণ্ড বুলি অভিহিত কৰি মঞ্জু ৰাভাৰ পৰিয়ালৰ লোকে ন্যায় বিচাৰিছে।
লগতে পঢ়ক:মাত্ৰ ৩ মিনিটত সামান্থাই ল’লে ৫কোটি টকা! কথাটো কি?
আনহাতে, কলাইগাঁও থানাৰ অন্তৰ্গত মৰাবেগা’ত এগৰাকী ৩৫বছৰীয়া যুৱকৰ মৃত দেহ উদ্ধাৰ হোৱা ঘটনাই চাঞ্চল্যৰ সৃষ্টি কৰিছে।
শনিবাৰে ৰাতিপুৱাৰ ভাগত দুজন যুৱকে খাৰুপেটিয়াৰ যুৱক ইউচুফ আলিক বাইকত উঠাই আনিছিল আৰু দেওবাৰে ৰাতিপুৱা তেওঁক মৃত অৱস্থাত উদ্ধাৰ কৰা হয়।
