অখিল গগৈৰ মুক্তিৰ দাবীত ঐতিহাসিক ৰংঘৰৰ সন্মুখত ‘ঐক্য সেনা অমস’ৰ প্ৰতিবাদ
অখিল গগৈৰ মুক্তিৰ দাবীত শিৱসাগৰত ঐক্য সেনা অসমে মানৱ শৃংখল কাৰ্যসূচী গ্ৰহণ কৰি প্ৰতিবাদ সাব্যস্ত কৰে।
ঐতিহাসিক ৰংঘৰ বাকৰিৰ সন্মুখত ঐক্য সেনাই অখিল গগৈ, বিতু সোনোৱাল, ধৈৰ্য কোঁৱৰ, মানস কোঁৱৰকে ধৰি সকলো কা’আন্দোলনকাৰীৰ মুক্তিৰ দাবীত এই প্ৰতিবাদ সাব্যস্ত কৰে।
উল্লেখ্য যে কাৰাগাৰত থকা সময়তেই অখিল গগৈ, বিতু সোনোৱাল আৰু ধৈৰ্য কোঁৱৰৰ দেহত কোভিড১৯ পজিটিভ পোৱা গৈছে। তিনিওজনকে উন্নত চিকিৎসা প্ৰদান কৰিবলৈ চৰকাৰক দাবী জনায় সংগঠনোটৱে।
আনহাতে অখিল গগৈৰ শ্বাৱ টেষ্টৰ ৰিপৰ্ট এবাৰ নিগেটিভ এবাৰ পজিটিভ হোৱা কাৰ্যত সন্দেহ প্ৰকাশ কৰিছে ঐক্য সেনা অসমৰ কেন্দ্ৰীয় সম্পাদক ফৰিদ ইছলাম হাজৰিকাই। ক’ৰ’নাক লৈ ৰাজনীতি নকৰিবলৈ দাবী জনায় চৰকাৰক।
অখিল গগৈৰ লগতে কা’ বিৰোধী আন্দোলনৰ নেতাৰ ওপৰত চৰকাৰে কৰা অত্যাচাৰ বন্ধ কৰিবলৈ আহ্বান জনায় ঐক্য সেনাই। অন্যথা অসমৰ ৰাইজ ৰাজপথলৈ ওলাই আহিব বুলি হুংকাৰ দিয়ে।
অখিল গগৈ, বিতু সোনোৱাল, ধাৰ্য কোঁৱৰকে ধৰি ক’ভিড ৰোগত আক্ৰান্ত সকলো ৰোগীৰ আশু আৰোগ্য কামনা কৰি সোমবাৰে সন্ধিয়া সমগ্ৰ অসমবাসীক পদুলিৰ সন্মুখত এগচি বন্তি জ্বলাই ভগৱানৰ ওচৰত প্ৰাৰ্থনা কৰিবলৈ অনুৰোধ জনায় ঐক্য সেনা অসমে।