ক’ৰনা ভাইৰাচৰ সংক্ৰমণ প্ৰতিৰোধৰ প্ৰতি লক্ষ্য ৰাখি দেশৰ সকলো টোল গেটত কৰ সংগ্ৰহ ব্যৱস্থা বন্ধ কৰাৰ নিৰ্দেশ দিছে কেন্দ্ৰীয় পথ পৰিবহন মন্ত্ৰী নীতিন গাডকাৰীয়ে ।
অনিৰ্দিষ্ট কালৰ বাবে বন্ধ কৰি দিয়া হৈছে কৰ সংগ্ৰহৰ ব্যৱস্থা।নতুন নিৰ্দেশ নিদিয়া পৰ্যন্ত কোনো টোল গেটত সংগ্ৰহ কৰিব নোৱাৰিব কৰ।এই কথা প্ৰকাশ কৰিছে কেন্দ্ৰীয় পথ-পৰিবহন মন্ত্ৰী নীতিন গাডকাৰীয়ে।
মন্ত্ৰী জনে নিজৰ টুইটাৰত এই নিৰ্দেশ জাৰি কৰি দেশৰ জৰুৰীকালীন সেৱাৰ প্ৰতি লক্ষ্য ৰাখি এই সিদ্ধান্ত গ্ৰহণ কৰা হৈছে বুলি জানিবলৈ দিছে কেন্দ্ৰীয় মন্ত্ৰীগৰাকীয়ে । লকডাউনৰ ফলত ইতিমধ্যে দেশতে বৰ্তমান বন্ধ হৈ পৰিছে সকলো ধৰণৰ বাহন চলাচল।
একমাত্ৰ জৰুৰীকালীন সেৱা আৰু খাদ্য-সামগ্ৰী সৰবৰাহত জড়িত বাহন সমূহৰহে আছে চলাচল কৰাৰ অনুমতি।
উল্লেখ্য যে বিশ্বত সংসাৰী ৰূপ ধাৰণ কৰা ক’ৰ’না ভাইৰাছে শেহতীয়া ভাৱে দেশতো ভয়ংকৰ ৰূপ ধাৰণ কৰিছে।
