উত্তৰপ্ৰদেশৰ মুজফ্ফৰনগৰত জনপ্ৰিয় কৃষক নেতা ৰাকেশ টিকাইতক হিন্দুত্ববাদী সংগঠনৰ সমাৱেশ এটাই অপ্ৰৰোচিতভাৱে আক্ৰমণ কৰি আহত কৰাৰ ঘটনা পোহৰলৈ অহিছে৷ দুষ্কৃতিকাৰীসকলে টিকাতক লাঠিৰে মূৰত আঘাত কৰে আৰু তেওঁৰ মুৰৰ পাগুৰি পেলাই দি অপমান কৰিবলৈ চেষ্টা কৰা বুলি জানিব পৰা গৈছে৷
দিল্লীৰ ঐতিহাসিক সফল কৃষক আন্দোলনৰ অন্যতম নেতা ৰাকেশ টিকাইতে উত্তৰ প্ৰদেশত ন্যুনতম সহায়ক মূল্যকে আদি কৰি কৃষকৰ বিভিন্ন দাবীত বৰ্তমানেও আন্দোলনৰ নেতৃত্ব প্ৰদান কৰি আহিছে৷ সেয়ে কৃষক নেতাগৰাকী বিজেপি-আৰএছএছৰ আক্ৰমণৰ লক্ষ্য হৈ পৰিছে৷
সংযুক্ত কিষাণ মৰ্চা, অসম-এ ৰাকেশ টিকাইতৰ ওপৰ সংঘটিত আক্ৰমণৰ তীব্ৰ নিন্দা কৰৰা লগতে আক্ৰমণকাৰীসকলক বিচাৰি উলিয়াই কঠোৰ শাস্তি প্ৰদান কৰিবলৈ দাবী জনাইছে৷ সংযুক্ত কিষাণ মৰ্চাৰ অসম শাখাইও ৰাকেশ টিকাইতৰ আক্ৰমণৰ নিন্দা কৰি ৰাজ্যৰ সকলো কৃষক সংগঠন কৃষক ৰাইজ আৰু গণতান্ত্ৰিক শক্তিক বিক্ষোভ প্ৰদৰ্শনৰ আহবান জনাইছে।
