ধৰ্মীয় পৰিচয় গোপন কৰি হিন্দু যুৱতীক বিয়া কৰাই যুৱতীগৰাকীক ধৰ্মান্তকৰণৰ বাবে হেঁচা প্ৰয়োগ কৰি গ্ৰেপ্তাৰ হ’বলগীয়া হৈছে এজন মুছলমান যুৱক।
ঘটনাটো সংঘটিত হৈছে উত্তৰ প্ৰদেশৰ গোৰখপুৰত।
সোমবাৰে আৰক্ষীয়ে প্ৰকাশ কৰা অনুসৰি যোৱা বছৰ মইনুদ্দিন নামৰ এজন মুছলমান যুৱকে নিজকে মুন্না যাদৱ বুলি পৰিচয় দি এগৰাকী হিন্দু যুৱতীৰে সম্পৰ্ক গঢ়ে।
যুৱতীগৰাকীয়ে এজাহাৰত উল্লেখ কৰা অনুসৰি দুয়োৰে সম্পৰ্ক গভীৰ হোৱাৰ পিছত দুয়োৱে সন্ত কবীৰ নগৰ জিলাৰ এটা মন্দিৰত বিবাহপাশত আৱদ্ধ হৈ দুয়ো একেলগে থাকিবলৈ আৰম্ভ কৰে।
একেলগে কিছুদিন থকাৰ পিছতে মইনুদ্দিনে নিজৰ প্ৰকৃত ধৰ্মীয় পৰিচয় যুৱতীগৰাকীক অৱগত কৰি তাইক ধৰ্মান্তকৰণৰ বাবে হেঁচা প্ৰয়োগ কৰিবলৈ আৰম্ভ কৰে। যুৱতীগৰাকীয়ে ধৰ্মান্তৰ হ’বলৈ অস্বীকাৰ কৰাত মইনুদ্দিনে তাইৰ ওপৰত শাৰীৰিক অত্যাচাৰ কৰিবলৈ ধৰে।
ইয়াৰ পিছতে মইনুদ্দিনে ভুক্তভোগী পুনৰ বিয়াৰ কৰাৰ পাং পতাৰ বিষয়ে জ্ঞাত হয় আৰু যুৱতীগকৰাকীয়ে শনিবাৰে আৰক্ষীৰ দাৰস্থ হয়।
আৰক্ষীয়ে যুৱতীগৰাকীৰ এজাহাৰ ভিত্তিত মইনুদ্দিনৰ লগতে আত্মীয় ৰেহমান আলীক গ্ৰেপ্তাৰ কৰিছে।
“উত্তৰ প্ৰদেশ বেআইনী ধৰ্মান্তকৰণ প্ৰতিৰোধ অধ্যাদেশ, ২০২০ৰ অধীনত ৩২৩, ৫০৪, ৫০৬, ৪২৯ আৰু ১২০বিৰ ভাৰতীয় দণ্ডবিধি আইনৰ ধাৰাত মইনুদ্দিন ওৰফে মুন্না যাদৱক গ্ৰেপ্তাৰ কৰা হৈছে।” স্থানীয় আৰক্ষী বিষয়া দেবেন্দ্ৰ কুমাৰ সিঙে কয়।
