BY-Election Result Live Update তামুলপুৰত দুৰ্গ অক্ষত ৰখাৰ দৌৰত ইউপিপিএল; বাকীসকলৰ অৱস্থা কি?
BY-Election Result Live Update ৰাজ্যত ৩০ অক্টোবৰত অনুষ্ঠিত হোৱা পাঁচটা সমষ্টিৰ উপ নিৰ্বাচনৰ ভোট গণনা বৰ্তমানো চলি আছে।
৫৮ নং তামুলপুৰ সমষ্টিত দ্বিতীয় ৰাউণ্ডৰ অন্তত ইউপিপিএলৰ প্ৰাৰ্থী জলেন দৈমাৰীয়ে নিৰ্দলীয় প্ৰাৰ্থী গনেশ কছাৰীতকৈ ১২,০০১টা ভোটৰ ব্যৱধানত অগ্ৰগতি লাভ কৰি আছে।
সমষ্টিটোত দ্বিতীয় ৰাউণ্ডৰ অন্তত কংগ্ৰেছৰ ভাস্কৰ দাহালে ২১৩২টা, নিৰ্দলীয় গনেশ কছাৰীয়ে ৩৯৪৮টা আৰু গণ সুৰক্ষা পাৰ্টিৰ ব্ৰজেন্দ্ৰ নাথ ডেকাই ১০৭১টা ভোট লাভ কৰিছে।
ইপিনে, ১০৭ নং থাওৰা সমষ্টিত সপ্তম ৰাউণ্ডৰ গণনাৰ অন্তত বৃহৎ ব্যৱধানত আগবাঢ়িছে বিজেপিৰ সুশান্ত বৰগোঁহাই।
সমষ্টিটোত বিজেপিৰ সুশান্ত বৰগোঁহাইয়ে ৩০,০৩১টা ভোট লাভ কৰাৰ বিপৰীতে ৰাইজৰ দলৰ ধৈৰ্য কোঁৱৰে লাভ কৰিছে ১৪,০২৯টা ভোট।
সেইদৰে, কংগ্ৰেছে ২৮৩০টা, চিপিআইৰ প্ৰাৰ্থীগৰাকীয়ে ৯০০টা আৰু নিৰ্দলীয় প্ৰাৰ্থীগৰাকীয়ে ৩০৭টা ভোট লাভ কৰিছে। আনহাতে, সমষ্টিটোত এতিয়ালৈকে ৩৩৮টা ন’টা ভোটো পৰিছে।
Also read : BY-Election Result Live Update থাওৰাত বিজেপিৰ অগ্ৰগতি; ৰাইজৰ দলৰ স্থিতি কি?