পূৰ্বৰ প্ৰেমিক-প্ৰেমিকাৰ মাজত যেতিয়া এসময়ৰ নিজৰ মানুহজনৰ বিষয়ে কিবা কটাক্ষ শুনা যায়, সেয়া স্বাভাৱিকতে আনৰ বাবে কৌতুহলৰ বিষয় হৈ পৰে। তাতেই এতিয়া নেটিজেনৰ চকু এইবোৰ বিষয়ত তেনেই সজাগ।
শেহতীয়াকৈ নিজৰ পূৰ্বৰ প্ৰেমিক তথা ভাৰতীয় ক্ৰিকেট তাৰকা ঋষভ পন্টক মুকলিকৈ কটাক্ষ কৰি সকলোকে হাঁহিৰ খোৰাক দিছে বলীউদৰ তাৰকা অভিনেত্ৰী উৰ্বশী ৰৌতালাই।
উৰ্বশীয়ে এগৰাকী ট্ৰোল কৰা নেটিজেনক উত্তৰ দিয়াৰ সময়ত ঋষভৰ উপাধি পন্ট-ক ‘পেন্ট’ বুলি সম্বোধন কৰিছে।
উল্লেখ্য যে উৰ্বশী ৰৌতালাৰ সৈতে ভাৰতীয় ক্ৰিকেটৰ নৱতম চাঞ্চল্য ঋষভ পন্টৰ প্ৰেমৰ সম্পৰ্কে ২০১৯ত বিশেষভাৱে চৰ্চিত হৈছিল। কিন্তু বৰ বেছিদিন নিটিকিল সেই প্ৰেম। মৰমৰ যেন যতি পৰিল!
লগতে পঢ়ক: U19 World Cup 2022: ১৯ অনুৰ্দ্ধৰ ক্ৰিকেট বিশ্বকাপত দুৰ্দান্ত প্ৰদৰ্শন ভাৰতীয় দলৰ; গঢ়িলে অভিলেখ
এবছৰ নৌহওঁতেই জানিব পৰা মতে ঋষভে উৰ্বশীৰ ফোনকল তথা হোৱাটছএপ ব্লক কৰি দিয়ে। তাৰপাছতে অভিনেত্ৰীগৰাকীৰ মুখপাত্ৰই এয়া দুই প্ৰেমিক যুটীৰ ‘উমৈহতীয়া সিদ্ধান্ত’ বুলি সংবাদ মাধ্যমক জনাইছিল।
পুনৰ ছচিয়েল মিডিয়াত পন্টক কটাক্ষ কৰি উৰ্বশীয়ে পুৰণি প্ৰেমৰ কথা নেটিজেনৰ মনত আকৌ এবাৰ সজীৱ কৰি তুলিলে।
টুইটাৰত এগৰাকী নেটিজেনে কটাক্ষ কৰি উৰ্বশীক প্ৰশ্ন কৰিছিল যে সদ্যহতে দক্ষিণ আফ্ৰিকাৰ বিৰুদ্ধে ঋষভে যে টেষ্টত চেঞ্চুৰী মাৰিলে, তাত তেওঁ কি দেখিছে?
প্ৰত্যুত্তৰত মোহমোয়ী অভিনেত্ৰীগৰাকীয়ে পন্টক ‘পেন্ট’ বুলি উল্লেখ কৰি কয়,’ওহ, পেন্ট নেকি?’ সেয়াটো দেখিছো, সকলোৱে যে পিন্ধে। আৰু ১০০ মৰাৰ কথা কৈছা? হয়, পেন্টৰ ভিতৰততো কেতিয়াবা ১০০টকাৰ নোট মই পাইছো।‘
উৰ্বশীৰ এনে মন্তব্যৰ পাছতে বিষয়টো ছচিয়েল মিডিয়াত ভাইৰেল হৈ পৰে।
