ভাৰতক আগতীয়া দীৱালী দেখুৱাবলৈ সাজু মাৰ্কিন ৰাষ্ট্ৰপতি ট্ৰাম্প

ইউ এছ ৰাষ্ট্ৰপতি ড’নাল্দ ট্ৰাম্প ভাৰতক আগতীয়া দীৱালী দেখুৱাবলৈ সাজু হৈছে।

ভাৰততকৈ তিনিদিন আগতে ২৪ অক্তোবৰত ৰাষ্ট্ৰপতি ট্ৰাম্পে ৱাইট হাউছত উদযাপন কৰিব আগতীয়া দীৱালী।

পোহৰৰ উৎসৱটোৰ বাবে ইতিমধ্যে এমেৰিকান ৰাষ্ট্ৰপতিৰ আৱাস তথা বিভাগীয় কাৰ্য্যালয় ৱাইট হাউছত চলিছে বিশাল আয়োজন।

ৱাইট হাউছত ট্ৰাম্পৰ এয়া হ’ব তৃতীয়টো দীৱালী উদযাপন। ৰাষ্ট্ৰপতিৰূপে ট্ৰাম্পে ২০১৭ চনত প্ৰথমবাৰৰ বাবে দীৱালীৰ আয়োজন কৰিছিল।

প্ৰাক্তন এমেৰিকান ৰাষ্ট্ৰপতি বৰাক অ’বামাই ২০০৯ চনত ৱাইট হাউছত দীৱালী উদযাপনৰ পৰম্পৰা প্ৰথম আৰম্ভ কৰিছিল।

ট্ৰাম্পৰ ’১৭ৰ দীৱালীত তেওঁৰ প্ৰশাসনৰ সহযোগীসকলৰ লগতে এমেৰিকানিৱাসী ভাৰতীয় সমাজৰ বহু লোক উপস্থিত আছিল।

ট্ৰাম্পৰ যোৱা বছৰৰ দীৱালী উদযাপনত এমেৰিকাত তদানীন্তন ভাৰতীয় ৰাষ্ট্ৰদূত নৱজেত সিঙো উপস্থিত আছিল।

খবৰমতে, বহু ভাৰতীয় মূলৰ লোক থকা দেশখনত এইবছৰৰ দীৱালী উদযাপন ইতিমধ্যেই আৰম্ভ হৈ গৈছে।

টেক্সাছৰ গৱৰ্নৰ গ্ৰেগ এবটে ভাৰতীয়মূলৰ লোকৰ সৈতে ইতিমধ্যে দীৱালী উদযাপন কৰিছে।

Members from @BAPS had the opportunity to join @GovAbbott of Texas at the Governor’s Mansion in Austin, Texas, to celebrate Diwali. We appreciate @GovAbbott for taking the time to meet and hear all about BAPS’ activities in the Lone Star State. pic.twitter.com/kK0UYsvjTO

— BAPS Public Affairs (@BAPS_PubAffairs) October 21, 2019