ক’ৰ’নাৰ সৈতে যুঁজি থকা আমেৰিকাই বিগত সময়ছোৱাত ভাৰতৰ পৰা সহায় বিচাৰিছিল। এই সময়ছোৱাত ৰাষ্ট্ৰপতি ট্ৰাম্পে ভাৰতক হাইড্ৰ’ক্সিক্লৰ’কুইন ঔষধ মুকলি কৰি দিয়া সন্দৰ্ভত ধমকিও দিছিল।
ট্ৰাম্পৰ ধমকিৰ পাছতে ভাৰতে ট্ৰম্পক প্ৰত্যুত্তৰ দিছিল যদিও ভাৰতে প্ৰয়োজনীয় ঔষধ আমেৰিকাৰ বাবে মুকলি কৰি দিছিল।
আনহাতে, ট্ৰাম্পে ভাৰতক ধমকি দিয়াৰ ২৪ ঘণ্টাৰ ভিতৰতে পুনৰ সুৰ সলনি হৈছে আমেৰিকাৰ ৰাষ্ট্ৰপতিৰ।
‘‘ভাৰতে নিজৰ বাবে হাইড্ৰ’ক্সিক্লৰ’কুইন মজুত কৰি ৰাখিছিল,কিন্তু প্ৰধান মন্ত্ৰী নৰেন্দ্ৰ মোদীয়ে এই ক্ষেত্ৰত আমেৰিকাক সহায়ৰ হাত আগবঢ়াইছে যিতু খুব সুন্দৰ,’’ ট্ৰাম্পে সুৰ সলনি কৰি কয়।
হাইড্ৰ’ক্সিক্লৰ’কুইন সন্দৰ্ভত ভাৰত আৰু আমেৰিকাৰ মাজত আৰম্ভ হোৱা বিবাদ সন্দৰ্ভত আমেৰিকাৰ এটা নিউজ চেনেলত মত ব্যক্ত কৰি ট্ৰাম্পে বৰ্তমান সময়ত আমেৰিকাই বহু দেশৰ পৰা ঔষদ আমদানি কৰি আছে আৰু ভাৰতৰ পৰা বহু ঔষধ আমেৰিকালৈ পঠোৱা হৈছে বুলি উল্লেখ কৰে।
উল্লেখযোগ্য যে, ট্ৰাম্পৰ ধমকিৰ পাছতে ভাৰতৰ বিদেশ মন্ত্ৰ্যালয়ে ট্ৰাম্পক উত্তৰ দিয়াৰ বিপৰীতে কংগ্ৰেছ নেতা শশী থাৰুৰ আৰু ৰাহুল গান্ধীয়েও ট্ৰাম্পক কঠোৰ সমালোচনা কৰিছিল।
