শাৰীৰিক বেমাৰ চিনিব পাৰিলেও মানসিক ৰোগ ধৰাটো টান! প্ৰায় সকলোৱেই মনৰ গভীৰত লুকাই থকা যন্ত্ৰণাত প্ৰায় সকলোৱে ভুগি আছে। মানসিক বিষণ্ণতাই শিপাইছে। সমগ্ৰ বিশ্বতে মানসিক বিষণ্ণতা বৃদ্ধি পাইছে। আৰু মানুহবোৰ অনবৰতে ইয়াৰ মাজত ডুব গৈ আছে।
শেহতীয়াকৈ বিশ্ব স্বাস্থ্য সংস্থা অৰ্থাৎ ‘WHO’ই এনে এক চাঞ্চল্যকৰ প্ৰতিবেদন প্ৰকাশ কৰিছে। কোৱা হৈছে যে বিশ্বৰ ১০০ কোটিতকৈও অধিক লোক ‘মানসিক স্বাস্থ্যৰ বিকাৰ’ত ভুগি আছে। প্ৰতিবেদন অনুসৰি প্ৰতি সাতজন লোকৰ ভিতৰত এজন মানসিক বিষণ্ণতাত ভুগি আছে।
বেছিভাগ ক্ষেত্ৰতে মানুহক চিন্তা আৰু হতাশাই আগুৰি থাকে। এই সন্দৰ্ভত বিশ্ব স্বাস্থ্য সংস্থাই প্ৰকাশ কৰিছে দুটা প্ৰতিবেদন। এটাৰ নাম ‘ৱৰ্ল্ড মেন্টেল হেল্থ টুডে’ আৰু দ্বিতীয়টোৰ নাম ‘মেন্টেল হেল্থ এটলাছ ২০২৪’। প্ৰতিবেদনত কোৱা হৈছে যে এই ‘ৰোগ’য়ে ক’ৰ’না পৰিস্থিতিত অধিক বিপজ্জনক ৰূপ ধাৰণ কৰিছে।
ইতিমধ্যে কেইবাখনো দেশে নাগৰিকৰ মানসিক স্বাস্থ্যৰ প্ৰতি লক্ষ্য ৰাখি একাধিক নীতি গ্ৰহণ কৰিছে। বিভিন্ন সিদ্ধান্ত লৈছে। কিন্তু তাৰ ফল কি? এই সন্দৰ্ভত বিশ্ব স্বাস্থ্য সংস্থাই প্ৰশ্ন উত্থাপন কৰিছে। প্ৰতিবেদনত কোৱা হৈছে যে বিষণ্ণতাই এনে এক স্থানলৈ লৈ গৈছে য’ত আত্মহত্যাৰ প্ৰৱণতাও বৃদ্ধি পাইছে।
যুৱক-যুৱতীসকলৰ মাজত এই প্ৰৱণতা অতি বেছি। পৃথিৱীৰ প্ৰতি ১০০ জনৰ ভিতৰত এজনে আত্মহত্যাৰ পথ বাছি লৈছে। প্ৰাপ্তবয়স্কৰ মাজতো স্কিজ’ফ্ৰেনিয়া আৰু বাইপোলাৰ ডিছঅৰ্ডাৰৰ দৰে সমস্যা বাঢ়িছে বুলিও প্ৰতিবেদনত উল্লেখ কৰা হৈছে। প্ৰায় ২০০ জনৰ ভিতৰত এজন আৰু ১৫০ জনৰ ভিতৰত এজন প্ৰাপ্তবয়স্ক এই সমস্যাত ভুগিছে।
এই সন্দৰ্ভত বিশ্ব স্বাস্থ্য সংস্থাৰ প্ৰতিবেদনত উদ্বেগ প্ৰকাশ কৰা হৈছে। তথ্য অনুসৰি এই ৰোগৰ আৰম্ভণি ২০২০ চনৰ পৰা আৰম্ভ হৈছে। ক’ৰোনা মহামাৰীয়ে সমগ্ৰ বিশ্বকে আগুৰি ধৰে। অৰ্থনীতিৰ পৰা আৰম্ভ কৰি একাধিক সমস্যাই মানুহৰ ওপৰত চাপ বঢ়াবলৈ ধৰিলে। কোনোবাই যদি চাকৰি হেৰুৱাইছে আৰু কোনোবাই আপোনজনক হেৰুৱাইছে।
সাধাৰণ মানুহৰ জীৱনশৈলীতো আমূল পৰিৱৰ্তন ঘটিছে। ফলত ক্ৰমান্বয়ে মানসিক চাপ বাঢ়িছে। সেইবাবেই এই মানসিক বিষণ্ণতা ক্ৰমান্বয়ে বৃদ্ধি পাইছে বুলি বিশ্ব স্বাস্থ্য সংস্থাৰ প্ৰতিবেদনত প্ৰকাশ পাইছে।
