‘ইশ্বু’লৈ শৈলধৰ বৰুৱা শ্ৰেষ্ঠ চলচ্চিত্ৰ বঁটা, শিশু শিল্পী কপিলৰ অভিনয়ৰ বিশেষ শলাগ জুৰিৰ
‘ইশ্বু’ৰ এখন স্থিৰ ছবি। সৌজন্য- টুইটাৰ।
উৎপল বৰপূজাৰীৰ অসমীয়া চিনে’মা ‘ইশ্বু’লৈ আগবঢ়োৱা হৈছে ২০১৮ বৰ্ষৰ শৈলধৰ বৰুৱা সোঁৱৰণী শ্ৰেষ্ঠ চলচ্চিত্ৰ বঁটা।
চিনে’মাখনৰ মুখ্য চৰিত্ৰত শিশু শিল্পী কপিল গাৰোৰ “মুকলি আৰু স্বাভাৱিক” অভিনয়ৰো বিশেষ উল্লেখ কৰিছে জুৰিয়ে।
অসমৰ বিশিষ্ট চলচ্চিত্ৰ প্ৰযোজক শৈলধৰ বৰুৱাৰ স্মৃতিত আগবঢ়োৱা বঁটাটোৱে এইবাৰ ৩য় বৰ্ষত ভৰি দিছে।
ভাৰতৰ চ্ছিলড্ৰেনছ ফিল্ম চচাইটিয়ে প্ৰযোজনা কৰা বৰপূজাৰীৰ চিনে’মাখনে বিশ্বৰ চলচ্চিত্ৰ মহোৎসৱত প্ৰশংসা লাভ কৰিবলৈ সক্ষম হৈছে।
মনিকুন্তলা ভট্টাচাৰ্য্যৰ একে নামৰ অসমীয়া উপন্যাসৰ আধাৰত নিৰ্মিত চিনে’মাখনে এটি শিশুৰ দৃষ্টিৰে ডাইনী হত্যাৰ বিষয়টো চলচ্চিত্ৰায়িত কৰিছে।
বঁটাৰ তালিকাত অসমীয়াকে ধৰি অসমৰ থলুৱা ভাষাৰ চিনে’মাসমূহক লোৱা হৈছিল।