উচ্চতম ন্যায়ালয়ে ৰাছিয়াৰ ‘চোৰাংচোৱা’ ভিক্টোৰিয়া বাসুক বিচাৰি উলিয়াবলৈ আগতীয়াকৈ লুকাউট নোটিচ জাৰি কৰাৰ নিৰ্দেশ দিছে। শুকুৰবাৰে গোচৰৰ শুনানিৰ সময়ত কেন্দ্ৰই জনাইছে যে ইতিমধ্যে লুকাউট জাননী জাৰি কৰা হৈছে। ভিক্টোৰিয়া এতিয়াও বৈধভাৱে দেশ এৰি যাব পৰা নাই। ইফালে, উচ্চতম ন্যায়ালয়ে দিল্লী এনচিআৰৰ সকলো এক্সিট পইণ্ট আৰু দেশৰ সকলো আন্তঃৰাষ্ট্ৰীয় বিমানবন্দৰত নিৰীক্ষণ কৰাৰ লগতে সকলো বিমানবন্দৰৰ চিচিটিভি কেমেৰা পৰীক্ষা কৰাৰ নিৰ্দেশ দিছে। এই গোচৰৰ পৰৱৰ্তী শুনানি অহা সোমবাৰৰ বাবে নিৰ্ধাৰণ কৰা হৈছে।
বৃহস্পতিবাৰে এই গোচৰৰ সময়ত ভিক্টোৰিয়া আৰু তেওঁৰ সন্তানক বিচাৰি উলিয়াবলৈ দিল্লী আৰক্ষীক নিৰ্দেশ দিছিল উচ্চতম ন্যায়ালয়ে। লগতে লুকাউট নোটিচ জাৰি কৰাৰ নিৰ্দেশ দিয়া হয়। সেই গোচৰৰ শুনানিৰ সময়ত শুকুৰবাৰে কেন্দ্ৰই ঘোষণা কৰে যে লুকাউট জাননী জাৰি কৰা হৈছে। ইফালে ভিক্টোৰিয়াৰ মাতৃয়ে ৰাছিয়াৰ পৰা আৰক্ষীৰ ওচৰত এজাহাৰ দাখিল কৰিছে যে ভিক্টোৰিয়াক বিচাৰি পোৱা নাযায়।
উল্লেখ্য যে, চন্দননগৰৰ এগৰাকী আছিল বাসিন্দা ছাইকত বসু। কামৰ কাৰণে তেওঁ চীনত বহু সময় কটায়। তাতে তেওঁ ৰাছিয়ান ভিক্টোৰিয়া জিগালিনাক লগ পায়। চিনাকিৰ পৰা ঘনিষ্ঠতা বাঢ়ি যায়, প্ৰেমৰ সম্পৰ্ক গঢ় লৈ উঠে। বিবাহপাশত আবদ্ধ হৈ চন্দনগৰস্থিত নিজৰ ঘৰলৈ উভতি আহে দম্পতীহাল। তেতিয়াই ছাইকত আৰু বসু পৰিয়ালে গম পাই যে ভিক্টোৰিয়াৰ পিতৃ ৰাছিয়াৰ চোৰাংচোৱা সংস্থা এফ এছ বিৰ প্ৰাক্তন বিষয়া। ছাইকতে দাবী কৰে যে তেওঁলোকৰ বিয়াৰ পিছৰে পৰা তেওঁৰ পত্নীয়ে তেওঁক ফ’ৰ্ট উইলিয়ামলৈ যাবলৈ হেঁচা দি আহিছিল। কিন্তু সেই অনুৰোধৰ আগত ছাইকাতৰ পিতৃ প্ৰাক্তন নৌসেনা বিষয়া সমীৰ বসুৱে প্ৰত্যাখ্যান কৰে। ছাইকতৰ দাবী যে ভিক্টোৰিয়াই শিশুটিক কেৱল নিজৰ বাবে ৰাখিবলৈ আবেদন লৈ উচ্চতম ন্যায়ালয়লৈ গৈছিল। সেই গোচৰৰ সময়ত ভিক্টোৰিয়া হঠাতে নিজৰ সন্তানৰ সৈতে অন্তৰ্ধান হৈ পৰে। সেই গোচৰত উচ্চতম ন্যায়ালয়ে ভিক্টোৰিয়া আৰু তেওঁৰ সন্তানক বিচাৰি উলিয়াবলৈ সকলো ব্যৱস্থা গ্ৰহণ কৰিবলৈ নিৰ্দেশ দিছিল।
