তমন্নাৰ সৈতে প্ৰেমত মচগুল! তাৰমাজতে নিজৰ এক গোপন অসুখৰ কথা জনালে বিজয়ে

এই মুহূৰ্তত বলীউদৰ অন্যতম জনপ্ৰিয় অভিনেতা। পৰিচালক জয়া আখতাৰৰ ছবি ‘গলী বয়’ৰ পৰাই তেওঁৰ যাত্ৰা আৰম্ভ হয়। ইয়াৰ পিছত বিজয় বাৰ্মাই নিজৰ অভিনয় দক্ষতাৰে বলীউডত প্ৰতিষ্ঠা লাভ কৰে। ‘ডাৰ্লিংছ’, ‘দহৰ’, ‘মিৰ্জাপুৰ’ আদি ছবি আৰু ছিৰিজত কাম কৰিছে।

তেওঁৰ অভিনয়ৰ প্ৰশংসা হোৱাৰ লগে লগে তেওঁ বক্স অফিচতো সফলতা অৰ্জন কৰিছে। যদিও প্ৰথমে তেওঁ ডাঙৰ পৰ্দাত অভিনয় কৰিছিল, বিজয়ে অ’টিটিৰ জৰিয়তেও সফলতা লাভ কৰিছে।

লগতে পঢ়কঃ অক্সিজেন, খাদ্যৰ নাটনি! মহাকাশ কেন্দ্ৰত আসন্ন বিপদত সুনীতা উইলিয়ামছ? কি ক’লে নাছাই?

সম্প্ৰতি অভিনেত্ৰী তমন্নাহ ভাটিয়াৰ সৈতে তেওঁৰ প্ৰেমৰ সম্পৰ্ক বলীউদত বহু চৰ্চিত। এইবাৰ বিজয়ে নিজৰ এক অসুখৰ কথা জনালে। ভিটিলিগো (শ্বেত ৰোগ) বহু বছৰ ধৰি তেওঁৰ শৰীৰত আছে। কিন্তু পৰ্দাত বুজি পোৱা নাযায়। মেকআপৰ সহায়ত ঢাকি ৰখা হয়। তেন্তে এইটোৱে তেওঁৰ অস্বস্তিৰ কাৰণ নেকি?

শেহতীয়াকৈ দিয়া এক সাক্ষাৎকাৰত তেওঁ কয় যে তেওঁৰ বগা দাগবোৰ বেছিভাগ সময়তে প্ৰসাধন সামগ্ৰীৰে ঢাকি ৰাখে। কাৰণ তেওঁৰ অভিনয় যেতিয়া দৰ্শকে চাব তেতিয়া পৰ্দাত তেওঁৰ অভিনয়ৰ বাহিৰে আন দেখাটো তেওঁ নিবিচাৰে যিয়ে অতিৰিক্ত মনোযোগ আকৰ্ষণ কৰে। যদিও এটা সময় আছিল যেতিয়া এই ৰোগে তেওঁক চিন্তিত কৰি তুলিছিল।

লগতে পঢ়কঃ ধৰ্ষণ কেনেকৈ ৰোধ কৰিব পাৰি? জনালে বলীউডৰ প্ৰবীণ অভিনেত্ৰী শ্বাবানা অজমীয়ে

বিজয়ৰ ভাষাত “যদিও এইটো কোনো ডাঙৰ বিষয় নহয়, কিন্তু মই লাইট মেকআপেৰে ঢাকি ৰাখো। আচলতে এজন অভিনেতাৰ বাবে সেয়া সৰু কথাও নহয়। কেতিয়াবা ভাবো, যদি ই মোৰ কেৰিয়াৰৰ বাটত বাধাৰ সৃষ্টি কৰে? কিন্তু ভাগ্য ভাল যে মই কেতিয়াও তেনেকুৱা একোৰে সন্মুখীন হ’বলগীয়া হোৱা নাই। যেতিয়ালৈকে মোৰ হাতত কাম আছে, তেতিয়ালৈকে মই ইয়াৰ বাবে চিন্তা নকৰো।”