ভাৰতত যেন ক্ৰমে বাঢ়িছে বৈদ্যুতিক গাড়ীৰ চাহিদা। ভিয়েটনামৰ বৈদ্যুতিক বাহন নিৰ্মাতা কোম্পানী ভিনফাষ্টে এতিয়া ভাৰতৰ বজাৰত প্ৰৱেশ কৰিছে। কোম্পানীটোৰ আগন্তুক নতুন গাড়ী হৈছে ভিনফাষ্ট ভিএফ৭।
ইতিমধ্যে এই ইলেক্ট্ৰিক এছ ইউ ভিৰ ভিন্নতা, ফিচাৰ আৰু ৰঙৰ বিকল্প প্ৰকাশ কৰা হৈছে। ২০২৫ চনৰ ১ আগষ্টত আনুষ্ঠানিকভাৱে মুকলি কৰা হ’ব এই গাড়ীখন।
বজাৰলৈ আহি আছে তিনিটা ভেৰিয়েন্ট
ভিনফাষ্ট ভিএফ৭ গাড়ীখন আৰ্থ, উইণ্ড আৰু স্কাই নামৰ তিনিটা ভেৰিয়েণ্টত মুকলি কৰা হ’ব। ইয়াৰ স্পেচিফিকেশন এতিয়াও সম্পূৰ্ণৰূপে প্ৰকাশ কৰা হোৱা নাই। কিন্তু নাম আৰু পদ্ধতিয়ে ইংগিত দিয়ে যে প্ৰতিটো ভিন্নতা বিভিন্ন গ্ৰাহকৰ প্ৰয়োজন পূৰণ কৰিব পৰাকৈ ডিজাইন কৰা হৈছে।
বিলাসী ইন্টেৰিয়ৰ
ইণ্টেৰিয়ৰৰ ক্ষেত্ৰত ১৫ ইঞ্চিৰ ফ্লটিং টাচস্ক্ৰীণ, হেডছ-আপ ডিছপ্লে (HUD), ড্ৰাইভ মোড নিৰ্বাচনৰ বাবে ফিজিকেল বুটাম, ডুৱেল টোন ইণ্টেৰিয়ৰ (মোচা ব্ৰাউন + ক’লা) আদি ফিচাৰ আছে।
ফিচাৰ আৰু সুৰক্ষা
গাড়ীখনত পেনোৰামিক ছানৰুফ, বেতাঁৰ ফোন চাৰ্জিং, ৩৬০ ডিগ্ৰী কেমেৰা, ৮টা এয়াৰবেগ, এডিএএছ (এডভান্সড ড্ৰাইভাৰ এচিষ্টেন্স চিষ্টেম) ফিচাৰো উপলব্ধ। অৰ্থাৎ ফিচাৰ আৰু সুৰক্ষাৰ ক্ষেত্ৰত VF7 যথেষ্ট ভাল মডেল হ’ব।
৬টা ৰঙৰ বিকল্প
মুঠ ৬টা ৰঙত উপলব্ধ হ’ব ভিনফাষ্ট ভিএফ৭। জেট ব্লেক, ডেছাট ছিলভাৰ, ইনফিনিটি ব্লাংক, হোৱাইট, ক্ৰিমছন ৰেড, জেনিথ গ্ৰে, আৰু আৰ্বান মিণ্ট, এই ৬টা আকৰ্ষণীয় ৰঙত এইখন পোৱা যাব। এই ৰঙসমূহৰ লগতে ভি আকৃতিৰ এল ই ডি ডি আৰ এল ডিজাইন, বল্ড লুক আৰু ভি এফ ৭ৰ লুকে ইয়াক অধিক আকৰ্ষণীয় কৰি তুলিছে।
ভাৰতত এছেম্বলিং
খবৰ অনুসৰি তামিলনাডুৰ টুটিকোৰিনত থকা ভিনফাষ্টৰ নতুন প্লাণ্টত ভিএফ৭ এছেম্বলিং কৰা হ’ব।
প্ৰতিযোগিতাৰ বজাৰ
ভাৰতীয় বজাৰত VinFast VF7 মুকলি কৰাৰ পিছত মহিন্দ্ৰা XUV.e9 আৰু BYD Atto 3 ৰ সৈতে প্ৰতিযোগিতাত অৱতীৰ্ণ হ’ব। এই গাড়ীখনে হুণ্ডাই আৰু টাটাৰ আগন্তুক EV SUV ৰ সৈতেও প্ৰতিযোগিতাত অৱতীৰ্ণ হোৱাৰ সম্ভাৱনা আছে।
