এন চি পি (অজিত) নেতা বাবা ছিদ্দিকীৰ হত্যাকাণ্ডৰ দায়িত্ব স্বীকাৰ কৰিছে লৰেন্স বিষ্ণোই নেতৃত্বাধীন বিষ্ণোই চক্ৰই। ব্লেকবাক হত্যাৰ গোচৰত জড়িত হোৱাৰ পৰাই ছলমান খান এই বিষ্ণুই গেঙৰ হিট লিষ্টত আছে। ছিদ্দিকী হত্যাকাণ্ডৰ পিছতে বৃদ্ধি কৰা হৈছে ভাইজানৰ নিৰাপত্তা। এনে পৰিস্থিতিত বিবেক অবেৰয়ৰ ভিডিঅ’ ভাইৰেল হৈ পৰিল। য’ত অভিনেতাজনে বিষ্ণোই সমাজকক অপৰিসীম প্ৰশংসা কৰা দেখা যায়।
ভিডিঅ’টো কেতিয়া লোৱা হৈছিল সেয়া জানিব পৰা হোৱা নাই। অৱশ্যে বিবেকৰ এই বক্তব্য যথেষ্ট পুৰণি বুলি বিশ্বাস কৰা হয়। হয়তো বিবেকে এখন ৰাজহুৱা সভাত ভাষণ দি আছিল। তাতে তেওঁ ক’লে, “আপুনি বিষ্ণোই সমাজখনৰ বিষয়ে গুগল কৰিব পাৰে, গোটেই পৃথিৱীতে এনেকুৱা একো দেখা নাপাব। কাৰণ প্ৰতিটো ঘৰতে, আনকি মোৰ ঘৰতো আমি গৰুৰ গাখীৰ লৈ ল’ৰা-ছোৱালীক দিওঁ। সমগ্ৰ বিশ্বৰ বিষ্ণোই সমাজতহে হৰিণা এটাৰ মৃত্যু হ’লে আমাৰ বিষ্ণোই মাতৃয়ে পোৱালিক নিজৰ স্তনপান কৰায়।”
দীৰ্ঘদিন ধৰি ছলমান খান আৰু বিবেক অবেৰয়ৰ সম্পৰ্ক তিক্ত। আৰু কাৰণ ঐশ্বৰ্য ৰায় বচ্চন। শুনা যায় যে সঞ্জয় লীলা ভাঞ্চালীৰ ‘হম দিল দে চুকে ছনম’ৰ চেটত ঐশ্বৰ্যৰ প্ৰেমত পৰিছিল ছলমান। কিন্তু সেই সম্পৰ্ক স্থায়ী নহ’ল। তাৰ পিছত কি উ!হো গয়া না চিনেমাখনৰ শ্বুটিংৰ সময়ত বিবেক অবেৰয়ৰ সৈতে ঐশ্বৰ্য সম্পৰ্কত লিপ্ত হয়। সেই সময়ত বিবেকে দাবী কৰিছিল যে ছলমান খানে তেওঁক ভাবুকি দিছিল।
২০০৫ চনত বিবেক-ঐশ্বৰ্যৰ বিচ্ছেদ ঘটে। ইয়াৰ পাছতে প্ৰাক্তন বিশ্ব সুন্দৰীগৰাকীক অভিষেক বচ্চনে বিয়া কৰাই বচ্চন পৰিয়ালৰ কইনা হয়। কিন্তু ছলমান-বিবেকৰ সম্পৰ্ক আৰু কেতিয়াও স্বাভাৱিক নাছিল। বিবেকে এটা অনুষ্ঠানত অনুষ্ঠান পৰিৱেশন কৰি ভাইজানৰ ওচৰতো ৰাজহুৱাভাৱে ক্ষমা খুজিছিল। কিন্তু ইয়াৰ দ্বাৰা বিশেষ একো সহায় নহ’ল। বিবেকেও জীৱনৰ এক নতুন পথ বাছি লৈছে। এতিয়া তেওঁ দুটা সন্তানৰ পিতৃ। কিন্তু ভাইৰেল ভিডিঅ’টোৰ বাবেই তেওঁৰ নামটো পুনৰ ছলমানৰ সৈতে জড়িত হৈ পৰিল।
