আজি অসম বিধান সভাত দাখিল হ’ল অসম বিধানসভাত বিত্তমন্ত্ৰী অজন্তা নেওগে দাখিল কৰিলে অসম বাজেট ২০২৫-২৬। বিত্তমন্ত্ৰীয়ে বাজেটত ঘোষণা কৰিলে বহুকেইটা গৰুত্বপূৰ্ণ সিদ্ধান্ত।
তাৰ ভিতৰত কেইটামান সিদ্ধান্ত উল্লেখযোগ্য হৈছে-
এইবাৰ বাজেটত অসম চুক্তি ৬নং দফা ৰূপায়ণৰ বাবে ন্যায়াধীশ বিপ্লৱ কুমাৰ শৰ্মাৰ অধ্যক্ষতাত গঠিত উচ্চ পৰ্যায়ৰ সমিতিয়ে আগবঢ়োৱা অনুমোদন অসম চৰকাৰে পৰীক্ষা কৰি ৰাজ্য চৰকাৰৰ আওঁতাৰ ভিতৰত পৰা অনুমোদনবোৰ ৰূপায়ণৰ বাবে সিদ্ধান্ত গ্ৰহণ কৰে।
হাতী-মাহৰ সংঘাত ৰোধৰ বাবে ৰাজ্যৰ ৫খন জিলা গোৱালপাৰা, ওদালগুৰি, নগাঁও, বাক্সা আৰু শোণিতপুৰত হাতী-মাহৰ সংঘাত ৰোধৰ বাবে ‘গজ মিত্ৰ’ দল গঠনৰ ঘোষণা কৰে।
ঔদ্যোগিক পৰিৱেশ শক্তিশালীকৰণৰ বাবে বাজেটত ডিব্ৰুগড়, গোলাঘাট, শিলচৰ, জাগীৰোড, পলাশবাৰী, তেজপুৰ আৰু নলবাৰীত নতুন ঔদ্যোগিক উদ্যান গঢ়াৰ প্ৰস্তাৱ কৰিছে। ইয়াৰোপৰি জাগীৰোড আৰু পলাশবাৰীত বৃহৎ টাউনশ্বিপ প্ৰকল্প ৰূপায়ণৰ পৰিকল্পনা কৰিছে। আৰু ৰাজ্যত এটা ঔদ্যোগিক বেংক গঢ়ি তোলাৰো ঘোষণা কৰিছে।
আন্তঃগাঁথনি উন্নয়নৰ ক্ষেত্ৰত বাজেটৰ আন এটা গুৰুত্বপূৰ্ণ সিদ্ধান্ত হৈছে ‘অসম মালা’ৰ প্ৰতিখন জিলাত ২৫ কিলোমিটাৰ দৈৰ্ঘ্যৰ পথ নিৰ্মাণ কৰা হ’ব। শিলচৰত নিৰ্মাণ কৰা হ’ব এখন উৰণ সেঁতু।
ডিব্ৰুগড়ত নতুন বিধানসভা ভৱন আৰু বিধায়কৰ হোষ্টেল নিৰ্মাণৰ ঘোষণা কৰা কৰে। সম-জিলাসমূহত ১৭টা স্থায়ী কাৰ্যালয় গৃহ নিৰ্মাণ, দৰঙত এখন চিকিৎসামহাবিদ্যালয় স্থাপন, কাৰ্বি আংলঙত এখন কৃষি মহাবিদ্যালয় আৰু এখন পশু চিকিৎসা মহাবিদ্যালয় নিৰ্মাণ, শ্ৰীভূমি জিলাৰ পাথাৰকান্দিত এখন কৃষি মহাবিদ্যালয় স্থাপন কৰাৰ কথা ঘোষণা কৰে। লগতে দশম অসম আৰক্ষী বেটেলিয়নক গুৱাহাটীৰ পৰা সোণাপুৰৰ কচুতলীলৈ স্থানান্তৰ কৰা কথাও ঘোষণা কৰে।
কৃষকসকলৰ বাবে বাজেটত ন্যূনতম সমৰ্থন মূল্যৰ উপৰি প্ৰতি কুইণ্টল ধানত ২৫০ টকা, প্ৰতি কুইণ্টল গোমধানত ২৫০ টকা আৰু প্ৰতি কুইণ্টল সৰিয়হত ৫০০ টকাকৈ চৰকাৰী সাহায্য আগবঢ়োৱাৰ প্ৰস্তাৱ কৰিছে।
বিদ্যুতৰ বিলৰক্ষেত্ৰত প্ৰতিমাহত ১২০ ইউনিট খৰচ কৰা জীৱনধাৰা আৰু ঘৰুৱা শ্ৰেণীৰ গ্ৰাহকসকলক প্ৰতিটো ইউনিটত ১ টকাকৈ হ্ৰাস কৰাৰ প্ৰস্তাৱ বাজেটত।
২৫,০০০ নামঘৰ আৰু আন ধৰ্মীয় প্ৰতিষ্ঠানলৈ বিত্তীয় সাহায্য বাজেটত। প্ৰতিটো ধৰ্মীয় প্ৰতিষ্ঠানলৈ দুটা সমান কিস্তিত ৩ লাখ টকাকৈ দিয়া হ’ব। ২০২৫ চনৰ ৩১ মাৰ্চৰ পূৰ্বে প্ৰথম কিস্তি আৰু ২০২৫-২৬ বিত্তীয় বৰ্ষত দ্বিতীয় কিস্তি মুকলি কৰি দিয়া হ’ব। ইয়াৰ বাবে ৪২০ কোটি টকা ধাৰ্য বাজেটত।
১০০০ যুৱ লেখকলৈ ২৫,০০০ টকাকৈ বিত্তীয় সমৰ্থনৰ ঘোষণা বাজেটত। গ্ৰন্থমেলা অনুষ্ঠিত কৰিবলৈ জিলা সদৰৰ বাবে ৫ লাখ আৰু সম জিলা সদৰৰ বাবে ২.৫ লাখ টকাকৈ বিত্তীয় সাহায্যৰ আশ্বাস। চৰকাৰী কৰ্মচাৰীসকলক গ্ৰন্থ ক্ৰয়ৰ বাবে ১০০০ টকাকৈ অতিৰিক্ত এককালীন অনুদানৰ ঘোষণা।
শূন্য ব্যয় দুৰ্ঘটনা আৰু মৃত্যু বীমাৰ সুবিধা ঠিকাভিত্তিক আৰু ৰাজহুৱা খণ্ডৰ প্ৰতিষ্ঠানৰ সেইসকল কৰ্মচাৰীলৈকো সম্প্ৰসাৰিত কৰাৰ কথা ঘোষণা বাজেটত, যিসকলে তালিকাভুক্ত বাণিজ্যিক বেংকৰ পৰা দৰমহা লৈ আছে।
আশাকৰ্মী, পিএম পোষণৰ ৰান্ধনী, অংগনৱাড়ী কৰ্মী আৰু সহায়িকাসকলৰ ২০২৫ৰ ১ অক্টোবৰৰ পৰা তেওঁলোকৰ পাৰিতোষিক সংশোধন কৰাৰ লগতে এককালীন সাহায্য প্ৰদানৰ বাবে সিদ্ধান্ত গ্ৰহণ কৰিছে।
চৰকাৰী কৰ্মচাৰীৰ বাবে বাজেটত কৰিছেপেঞ্চন আঁচনিৰ সুবিধা আগবঢ়োৱাৰ ঘোষণা কৰা হ’ব।
বাজেটত ৰাজ্যখনৰ ৬.৮ লাখ চাহ শ্ৰমিকৰ প্ৰতিগৰাকীলৈ এককালীন বিত্তীয় সাহায্য হিচাপে ৫,০০০ টকাকৈ আগবঢ়োৱাৰ ঘোষণা। ইয়াৰ বাবে বাজেটত ৩৪২ কোটি টকা আবণ্টন।
বাজেটত মুখ্যমন্ত্ৰীৰ মহিলা উদ্যমিতা আঁচনিৰ বাবে ৩,০৩৮ কোটি টকা ব্যয়ৰ লক্ষ্য, মুখ্যমন্ত্ৰী মহিলা উদ্যমিতা অভিযানৰ জৰিয়তে গ্ৰামাঞ্চলৰ ৩০ লাখ আত্মসহায়ক গোট আৰু নগৰাঞ্চলৰ ২ লাখ আত্মসহায়ক গোটক সামৰি লোৱা হ’ব।
ইয়াৰোপৰি বাইজেটত অসম উচ্চ আৰু কাৰিকৰী শিক্ষাৰ বাবে পুঁজি যোগান আঁচনি, মাছ, কণী আৰু গাহৰি উৎপাদনৰ ক্ষেত্ৰত স্বাৱলম্বিতা অৰ্জন আৰু হাঁহ-কুকুৰা খণ্ডৰ বাণিজ্যিকীকৰণৰ বাবে ২৪ কোটি টকা বাজেটত আবণ্টন কৰা হৈছে।
দুগ্ধ পালকসকলক প্ৰতিলিটাৰ গাখীৰত ৫ টকাকৈ ৰাজসাহায্য প্ৰদানৰ ঘোষণা কৰিছে। লগতে বাজেটত জনগোষ্ঠীয় সংঘৰ্ষত ক্ষতিগ্ৰস্ত ৪ হাজাৰ পৰিয়ালক সাহায্যৰ বাবে ৩০ কোটি টকাৰ প্ৰস্তাৱ কৰিছে।
চিকিৎসা মহাবিদ্যালয়ৰ ফেকাল্টিলৈ সুবিধা প্ৰদানৰ প্ৰস্তাৱ কৰাৰ লগতে বাণীকান্ত কাকতি কম্পিউটাৰ সাক্ষৰতা অনুষ্ঠানৰ শিক্ষকসকলৰ দৰমহা ২০,০০০ টকালৈ বৃদ্ধি কৰাৰ কথা বাজেটত ঘোষণা কৰিছে। যুৱ দক্ষতা বৃদ্ধিৰ বাবেও ৫০ কোটি টকাৰ আবণ্টন কৰিছে বাজেটত।
