বহুদিন ধৰি য়ুজাৰসকলে এইটো বিচাৰি আহিছিল। সেয়েহে, জনপ্ৰিয় মেছেজিং এপ হোৱাটছএপে এইবাৰ চিৰদিনৰ বাবে চ্যাট মিউট কৰাৰ সুবিধা আনিছে।
আইঅ’এছ আৰু এণ্ড্ৰইড মোবাইলৰ দুয়োটা সংস্কৰণতে এই সুবিধা আগবঢ়োৱা হৈছে।
হোৱাটছএপে টুইটাৰৰ যোগেদি সকলোৰে বাবে এই Always Mute ফিচাৰটো অনাৰ কথা জানিব দিছে।
ইয়াৰ পূৰ্বে অনিৰ্দিষ্ট কালৰ বাবে কোনো গ্ৰুপ বা য়ুজাৰক মিউট কৰাৰ সুবিধা নাছিল। সৰ্বাধিক এবছৰৰ বাবে কৰিব পৰা সুবিধাহে আছিল।
এইবাৰ সকলো চিন্তা দূৰ কৰি চিৰদিনৰ বাবে কোনো গ্ৰুপ বা কোনো ব্যক্তিৰ চ্যাট স্তব্ধ কৰি দিব পাৰিব য়ুজাৰে।
এণ্ড্ৰইডত Always Mute অপশ্যনৰ বাবে যিটো চ্যাট আপুনি মিউট কৰিব বিচাৰে তাত যাওক। তাৰপাছত সোঁফালে ওপৰত যি তিনিটা বুটাম আছে তাত গৈ মিউট নটিফিকেশ্যন অপশ্যনত ক্লিক কৰক।
ইয়াত আপুনি তিনিটা অপশ্যন পাব। তাত Always Mute অপশ্যনটো বাচি ল’ব পাৰে। যিসকলে আইফোন ব্যৱহাৰ কৰে তেওঁলোকেও একেই পদ্ধতি ব্যৱহাৰ কৰিব পাৰে।
You can now mute a chat forever ? pic.twitter.com/DlH7jAt6P8
— WhatsApp Inc. (@WhatsApp) October 23, 2020
আনহাতে, এণ্ড্ৰইড সংস্কৰণত আন এটা সুবিধাও আছে। ইয়াত আপুনি বিচাৰিলে মিউট কৰাৰ পাছতো Show Notifications বিকল্পটো বাচি ল’ব পাৰে।
তেনেক্ষেত্ৰত পপ আপ নটিফিকেশ্যন নাহিলেও ফোনৰ মূল নটিফিকেশ্যন পেনেলৰ ড্ৰপ ডাউনত সেইটো আহিব। গতিকে, কোনোধৰণৰ গুৰুত্বপূৰ্ণ কিবা থাকিলে আপোনাৰ দৃষ্টিত পৰিব।
আইঅ’এছৰ ক্ষেত্ৰত অৱশ্যে এই সুবিধাটো নাই।
