আকাশতে খুলি পৰিল চকা, জৰুৰীকালীন অৱতৰণ যাত্ৰী ভৰ্তি বয়িং বিমানৰ; কঁপি উঠিল যাত্ৰীৰ বুঁকু!

বিমানখন উৰণৰ প্ৰায় লগে লগে জৰুৰীকালীন অৱতৰণ কৰিবলগীয়া হ’ল। উৰন্ত বিমানখনৰ চকা খুলি বাগৰি পৰিল ৰাস্তাত থকা গাড়ীৰ ওপৰত। বয়িং ৭৭৭ নামৰ যাত্ৰীবাহী বিমান এখনে আমেৰিকাৰ এখন প্ৰদেশৰ পৰা জাপানলৈ উৰা মৰাৰ কিছু সময়ৰ পিছতে বৃহস্পতিবাৰে জৰুৰীকালীন অৱতৰণ কৰিবলগীয়া হয়।

টেক অফৰ পিছতে বিমানৰ চকা খুলি পৰে। কেৱল সেয়াই নহয়, ছ’চিয়েল মিডিয়াত ভাইৰেল হোৱা এটা ভিডিঅ’ত এই ভয়াবহ ঘটনাটো দেখা গৈছে।

ভিডিঅ’টোত দেখা গৈছে যে ইউনাইটেড এয়াৰলাইন্সৰ বিমানখন উৰণৰ মাত্ৰ কেইছেকেণ্ডমানৰ পিছতে এটা চকা খুলি পৰে।

লগতে পঢ়কঃ “মই মেছিৰ দেশৰ মানুহ”, কিংবদন্তিৰ নাম শুনিয়েই হামাছে মুকলি কৰি দিলে বৃদ্ধা মহিলাক!

অনলাইনত প্ৰকাশ পোৱা ভিডিঅ’ত দেখা গৈছে যে ইউনাইটেড এয়াৰলাইন্সৰ এখন বিমান ছান ফ্ৰান্সিস্কো আন্তঃৰাষ্ট্ৰীয় বিমানবন্দৰৰ পৰা উৰাৰ কেইছেকেণ্ডমানৰ পিছত চকাটো খুলি পৰিছে। বিমানবন্দৰৰ কৰ্মচাৰীৰ গাড়ীৰ ওপৰত পৰে চকাটো। কাৰণ গাড়ী পাৰ্কিং এলেকাটো বিমানবন্দৰৰ কৰ্মচাৰীয়ে ব্যৱহাৰ কৰে। তাত কেইবাখনো গাড়ীৰ ক্ষতিসাধন হৈছে বুলি জানিব পৰা গৈছে।

বয়িঙে কেইবাটাও মান নিয়ন্ত্ৰণ সমস্যাৰ সন্মুখীন হৈছে। অতি শেহতীয়াকৈ জানুৱাৰী মাহত উৰণৰ সময়ত বয়িং ৭৩৭ মেক্স ৯ বিমানৰ দুৱাৰ খুলি গৈছিল। সেই ঘটনাত কোনো লোক আহত হোৱা নাছিল যদিও কঠোৰ ব্যৱস্থা গ্ৰহণ কৰা হৈছিল। ১৯ দিনীয়া জৰুৰীকালীন গ্ৰাউণ্ডিং আৰম্ভ হৈছিল।

✈️United flight UA35 diverted to Los Angeles today after losing a wheel on takeoff 🚨 Via @FlightEmergency

View #UA35's data at
https://t.co/F63EfWkMAN pic.twitter.com/0bSSQE6UKu

— RadarBox (@RadarBoxCom) March 7, 2024

অৱশ্যে ওছাকা অভিমুখী বিমানখনত ২৪৯ জন যাত্ৰী থকাৰ কথা উল্লেখ কৰি ইউনাইটেড এয়াৰলাইন্সে কয় যে বয়িং ৭৭৭ বিমানখনৰ প্ৰতিটো মূল লেণ্ডিং গিয়াৰত ছটা চকা আছিল আৰু ইয়াৰে কিছুমান ক্ষতিগ্ৰস্ত হৈছে যদিও নিৰাপদে অৱতৰণ কৰিব পাৰে। সেয়ে, বিমানখন লছ এঞ্জেলছলৈ ডাইভাৰ্ট কৰা হয় য’ত বিমানখন নিৰাপদে অৱতৰণ কৰা হয়। এই সন্দৰ্ভত আমেৰিকাৰ ফেডাৰেল বিমান পৰিবহন কৰ্তৃপক্ষই তদন্ত আৰম্ভ কৰিছে।