মহাশিৱৰাত্ৰিৰ দিনা কিয় খালি মাংস ভাত? বিশ্ববিদ্যালয়ৰ ছাত্ৰক মাৰধৰ এবিভিপিৰ
মহাশিৱৰাত্ৰিৰ দিনা দিল্লীৰ ধূন্ধুমাৰৰ দক্ষিণ এছিয়ান বিশ্ববিদ্যালয়ৰ চৌহদত সৃষ্টি হয় এক অনাহূত পৰিস্থিতিৰ।
প্ৰথম অৱস্থাত এছ এফ আই আৰু অখিল ভাৰতীয় বিদ্যাৰ্থী পৰিষদ (এবিভিপি)ৰ মাজত এক বিবাদৰ সৃষ্টি হয়। ইয়াৰ পিছতে দুয়োপক্ষৰ মাজত কাজিয়া আৰম্ভ হয়।
এছ এফ আইয়ে অভিযোগ কৰে যে আন দিনৰ দৰেই দুপৰীয়াৰ সময়ত মেছত খাদ্য পৰিবেশন কৰা হয়। ইয়াত নিৰামিষ আৰু আমিষ দুয়োটা খাদ্য আছিল।
কিন্তু এবিভিপিয়ে এই প্ৰশ্ন উত্থাপন কৰে যে শিৱৰাত্ৰিত আমিষ খাদ্য কিয় পৰিবেশন কৰা হৈছে? আনকি আমিষ খাদ্য গ্ৰহণ কৰা ছাত্ৰ-ছাত্ৰীসকলো আক্ৰমণ কৰে এবিভিপিয়ে। কেৱল ছাত্ৰ-ছাত্ৰীকে নহয়, হোষ্টেলৰ কৰ্মচাৰীক আক্ৰমণ কৰে এবিভিপিয়ে।
এই তথ্য লাভ কৰাৰ পিছতে সেই স্থানত উপস্থিত হয় দিল্লী আৰক্ষী। ইয়াৰ পিছত পৰিস্থিতি নিয়ন্ত্ৰণলৈ আহে।