ডাইনী সন্দেহত ঝাৰখণ্ডত এগৰাকী মহিলাক হত্যা কৰি বালিত পুতি থলে মৃতদেহ

দেশত জনসাধাৰণৰ মাজত বৰ্ধিত ধৰ্মান্ধতা আৰু অন্ধবিশ্বাস তথা কু-সংস্কাৰে উদ্বেগৰ সৃষ্টি কৰিছে। অন্ধবিশ্বাসৰ বাবে সংঘটিত হৈছে ইটোৰ পিছত সিটো নিৰ্যাতন আৰু হত্যাকাণ্ড ঘটনা।

শেহতীয় খবৰ আনুসৰি ঝাৰখণ্ডৰ গুমলাত ডাইনীৰ সন্দেহত এগৰাকী মহিলাক হত্যা কৰি বালিত মৃতদেহ পুতি থোৱাৰ অভিযোগ উত্থাপন হৈছে।

আৰক্ষীৰ সূত্ৰ অনুসৰি ডাইনীৰ সন্দেহত হত্যা কৰা হৈছইল মহিলা গৰাকীক। গ্ৰেপ্তাৰ হোৱা কৰ্মপাল লাক্ৰাই নিজৰ অপৰাধ স্বীকাৰ কৰিছে বুলিও জানিবলৈ দিছে আৰক্ষীয়ে। ইতি মধ্যে আৰক্ষীয়ে  মৃত মহিলা গৰাকীৰ  মৃতদেহ উদ্ধাৰ কৰি মৰোনোত্তৰ পৰীক্ষাৰ বাবে  প্ৰেৰণ কৰিছে ।

উল্লেখ্য যে কিছু দিনৰ পূৰ্বে  অসমতো এনে এক ঘটনাৰ সংঘটিত হৈ গৈছে। ডিব্ৰুগড়ৰ লাহোৱালত মনিকা চাংঘা নামৰ এগৰাকী মহিলাক  ডাইনীৰ সন্দেহত  দীৰ্ঘদিন ধৰি শাৰীৰিক আৰু মানসিকভাৱে নিৰ্যাতন কৰি আহিছিল অৰু শেষত  মহিলাগৰাকীক গাঁৱৰ ৰাইজে ধৰি বান্ধি নি নদীত উটুৱাই দিছিল।