ইতিহাস ৰচিলে ইউটিউবাৰ গৌৰৱ তানেজাই; আমেৰিকাৰ আকাশত নিৰ্মাণ ভাৰতৰ সৰ্ববৃহৎ মানচিত্ৰ
Gaurav Taneja draws the largest map of India ২৬ জানুৱাৰী বৃহস্পতিবাৰে সমগ্ৰ দেশতে গণতন্ত্ৰ দিৱস উদযাপন কৰা হয়। এই সময়ছোৱাত নতুন দিল্লীৰ কৰ্তব্য পথত এক বিশাল অনুষ্ঠানৰ আয়োজন কৰা হয়। এইবাৰ ইজিপ্তৰ ৰাষ্ট্ৰপতি আবেদ ফাত্তাহ আল-চিচিয়ে মুখ্য অতিথি হিচাপে গণতন্ত্ৰ দিৱস উদযাপনত অংশগ্ৰহণ কৰে। আনহাতে, ইউটিউবাৰ গৌৰৱ তানেজাই তেওঁৰ পত্নীৰ সৈতে আমেৰিকাৰ আকাশত ভাৰতৰ এখন মানচিত্ৰ নিৰ্মাণ কৰে। গৌৰৱ আৰু তেওঁৰ পত্নীয়ে এখন বিমান উৰুৱাই ভাৰতৰ এখন মানচিত্ৰ তৈয়াৰ কৰিছিল।
যোৱা ২৪ জানুৱাৰীত গৌৰৱ তানেজা আৰু তেওঁৰ পত্নী ৰিতু ৰাঠী তানেজাই ঘোষণা কৰিছিল যে তেওঁলোকে ৭৪ তম গণতন্ত্ৰ দিৱস উপলক্ষে আকাশত ভাৰতৰ মানচিত্ৰ নিৰ্মাণ কৰিব। এক ভিডিঅ’ত কৈছিল যে এই পদক্ষেপ ৰাষ্ট্ৰৰ নামত হ’ব। ফ্লাইং বিষ্ট নামেৰে জনাজাত ইউটিউবাৰগৰাকীয়ে এই পদক্ষেপৰ নাম ‘আচমান মে ভাৰত’ ৰাখিছিল।
লগতে পঢ়ক: ‘সময় পাৰ হ’ল’;: আদানি গ্ৰুপক কটাক্ষ আমেৰিকাৰ প্ৰতিষ্ঠানৰ; গোচৰ তৰাৰ বাবে প্ৰত্যাহ্বান
এতিয়ালৈকে ভাৰতৰ এইটো দেশৰ ইতিহাসৰ প্ৰথম অভিযান য’ত এজন ভাৰতীয়ই আকাশত ভাৰতৰ সৰ্ববৃহৎ মানচিত্ৰ তৈয়াৰ কৰিছে। গৌৰৱ তানেজা আৰু তেওঁৰ পত্নী ৰিতু ৰাঠী তানেজাই প্ৰায় ২০০ নটিকেল বিমানমাইল পথ অৰ্থাৎ আকাশত প্ৰায় ৩৫০ কিলোমিটাৰ দূৰত্ব অতিক্ৰম কৰি প্ৰায় ৩ ঘণ্টাৰ ভিতৰত অভিযানটো সম্পূৰ্ণ কৰিছিল। গৌৰৱৰ ১২ বছৰ আৰু ৬০০০ ঘণ্টাৰ উৰণৰ অভিজ্ঞতা আছে।
বাতৰি অনুসৰি, আকাশৰ সমগ্ৰ যাত্ৰাটো ১৩৯ কোটি ভাৰতীয়ই টুইটাৰ আৰু অন্যান্য ছ’চিয়েল মিডিয়াত ৰাডাৰত ফ্লাইট ট্ৰেকিং ডিভাইচ ব্যৱহাৰ কৰি পোনপটীয়াকৈ ট্ৰেক কৰিছিল। গৌৰৱ তানেজা আৰু তেওঁৰ পত্নীয়ে ২৬ জানুৱাৰীত গণৰাজ্য দিৱসত আমেৰিকা যুক্তৰাষ্ট্ৰৰ ফ্লৰিডাৰ টাম্পা এয়াৰ পোৰ্টৰ পৰা প্ৰস্থান কৰি এই অভিযান সফলতাৰে সম্পূৰ্ণ কৰাৰ পিছত ভাৰতীয় বিমান উদ্যোগত ইতিহাস সৃষ্টি কৰে।
We created History, the largest map of Bharat .
Flew for almost 3 hrs and made a, 350 Km long map.
.
Aapke support auur Bharat Mata ke aashirvaad ke bina possible nahi tha.
.#AasmanMeinBharat #HappyRepublicDay @captriturathee pic.twitter.com/EtGMw2ZeHy— Gaurav Taneja (@flyingbeast320) January 26, 2023
কোৱা হৈছে যে মিছন ‘ইণ্ডিয়া ইন দ্য স্কাই’ গৌৰৱৰ নিৰন্তৰ যাত্ৰা আৰু উৰণৰ অন্তহীন আগ্ৰহৰ ফল। এই অভিযানটো মাতৃভূমিৰ প্ৰতি এক শ্ৰদ্ধাঞ্জলি আৰু ভাৰতক নতুন উচ্চতালৈ লৈ যোৱাৰ প্ৰয়াস হ’ব। পাইলট আৰু ইউটিউবাৰ গৌৰৱ তানেজা ছ’চিয়েল মিডিয়াৰ এক সুপৰিচিত মুখ। তেওঁৰ ইউটিউব চেনেল ফ্লাইং বিষ্টৰ ৭.৮ মিলিয়নতকৈও অধিক ছাৱস্ক্ৰাইবাৰ আছে।