অসমৰ যোৱা বিধান সভা নিৰ্বাচনত বিজেপিৰ হৈ গোৱা প্ৰচাৰ গীতটোৰ বাবদ লোৱা মাননি ওভতাই দিব জুবিন গাৰ্গে।
বিতৰ্কিত নাগৰিকত্ব বিধেয়কৰ বিৰোধিতা কৰা জনপ্ৰিয় গায়কজনে দেওবাৰে টুইটযোগে ঘোষণা কৰিছে এই সিদ্ধান্ত।
জুবিনৰ কণ্ঠৰ জৰিয়তে বিজেপিয়ে পোৱা ভোটকেইটা ওভতাই দিব পাৰিব নেকি বুলিও মুখ্য মন্ত্ৰী সৰ্বানন্দ সোণোৱালক প্ৰশ্ন কৰিছে গায়কজনে।
বিধেয়কখনৰ বিৰোধিতাৰে শেহতীয়াকৈ সোণোৱাললৈ লিখা পত্ৰৰ কোনো উত্তৰ নিদিয়াক লৈয়ো মুখ্য মন্ত্ৰীজনক তীব্ৰ কটাক্ষ কৰিছে গাৰ্গে।
“কেইদিনমান আগতে আপোনালৈ এখন চিঠি দিছিলো। ক’লা পতাকা গণাত খুব ব্যস্ত থকা বাবে আপুনি চাগে উত্তৰ দিবলৈ সময় পোৱা নাই,” টুইট জুবিনৰ।
Dear Sarbananda Sonowal Da,
Wrote a letter to you few days back. Guess you are too busy counting the black flags to respond.
So, can I get the votes back that you earned using my voice in 2016?
I am ready to refund the remuneration.
— Zubeen Garg (@zubeengarg1) January 13, 2019
বিজেপি প্ৰতিশ্ৰুত “পৰিৱৰ্তন”ক লৈ কিছুদিন পূৰ্বেও তীৰ্য্যক মন্তব্য কৰিছিল গায়কজনে।
