কৰিমগঞ্জৰ বটালী অঞ্চলত কালি আৰক্ষীয়ে অভিযান চলাই এজন ড্ৰাগছ সৰবৰাহকাৰীক আটক কৰিবলৈ সক্ষম হয়। আটকাধীন যুৱকজনে অঞ্চলটোৰ বহুকেইজন যুৱকক ড্ৰাগছ আসক্ত কৰাৰো এক অভিযোগ উত্থাপন হৈছে।
স্থানীয় ৰাইজে কৰা অভিযোগ অনুসৰি বাপন নামৰ লোক এজনে প্ৰায় ডেৰ বছৰ ধৰি ড্ৰাগছ সৰবৰাহৰ লগত জড়িত হৈ আহিছিল। জানিব পৰা মতে তেওঁ নিজৰ ঘৰতে ড্ৰাগছৰ ৰমৰমীয়া ব্যবসায় চলাই আহিছিল। আনহাতে যুৱকজন বটালী অঞ্চলৰে স্থানীয় এটা পৰিয়ালে চলোৱা ড্ৰাগছ ব্যৱসায়ৰ লগত দীৰ্ঘদিন ধৰি জড়িত হৈ আহিছিল বুলি এক তথ্য পোৱা গৈছে।
আৰক্ষী সুত্ৰই প্ৰকাশ কৰা অনুসৰি অভিযানৰ সময়ত ধৃত ড্ৰাগজ ব্যবসায়ীজনৰ ঘৰৰ পৰা কিছু সংখ্যক চিৰিঞ্জ আৰু বৃহৎ পৰিমাণৰ নগদ ধন উদ্ধাৰ কৰিছিল। ইতিমধ্যে কৰিমগঞ্জ আৰক্ষীয়ে এই অবৈধ ড্ৰাগছ ব্যবসায়ী চক্ৰটোক উৎখাত কৰাৰ বাবে অভিযান আৰম্ভ কৰিছে যদিও বৰ্তমানলৈকে কাকো গ্ৰেপ্তাৰ কৰিবলৈ সক্ষম হোৱা নাই।
