ম্যানমাৰৰ প্ৰব্ৰজন আৰু জনসংখ্যা বিভাগৰ স্থায়ী সচিব মিয়িণ্ট কিয়ায়িঙে মিজিমা নিউজৰ আগত সদৰি কৰিছে যে দেশখনে বাংলাদেশৰ ৬৭৫জন শৰণাৰ্থীক গ্ৰহণ কৰাৰ বাবে প্ৰস্তুত।
ম্যানমাৰৰ প্ৰব্ৰজন আৰু জনসংখ্যা বিভাগৰ স্থায়ী সচিব মিয়িণ্ট কিয়ায়িঙে বাংলাদেশে প্ৰেৰণ কৰা ৮,০৩২ জন শৰণাৰ্থীৰ নাম পৰীক্ষা কৰাৰ পাছত ৮,০০ জন শৰণাৰ্থীৰ নাম অনুমোদন জনোৱাৰ পাছত এই কথা সদৰি কৰিছে। তেওঁ আৰু কয় যে এই সন্দৰ্ভত ম্যানমাৰে বাংলাদেশ কৰ্তৃপক্ষক অৱগত কৰিছে।
কিয়ায়িঙৰ মতে ৮,০০ৰ ভিতৰত ৬৮৫ জনে বাংলাদেশলৈ পলায়ন কৰাৰ পূৰ্বে ম্যানমাৰত বাস কৰাৰ তথ্য লাভ কৰা গৈছে। তেওঁ আৰু অভিযোগ কৰিছে যে তাৰে ১০ জনে হিংসাত্মক ঘটনাত অংশগ্ৰহণ কৰা সন্ত্ৰাসবাদী বুলি চিনাক্ত কৰা গৈছে।
মিয়িণ্ট কিয়ায়িঙে কৈছে যে ম্যানমাৰে ৬৭৫জন শৰণাৰ্থীকহে গ্ৰহণ কৰিব।বাংলাদেশলৈ পলায়ন কৰাৰ পূৰ্বে ম্যানমাৰত বাসস্থান থকাৰ কোনো প্ৰমাণ, যেনে ফটো, ঘৰৰ পঞ্জীয়ন নম্বৰ দিব নোৱাৰা ১২০ জনক গ্ৰহণ কৰিব পৰা নাযাব বুলি তেওঁ স্পষ্টকৈ প্ৰকাশ কৰিছে।
উল্লেখ্য যে বাংলাদেশত ফেব্ৰুৱাৰি মাহত অনুষ্ঠিত হোৱা এখন আলোচনাচক্ৰত বাংলাদেশ চৰকাৰে ম্যানমাৰৰ হাতত ৮,০৩২জন শৰণাৰ্থীৰ এখন তালিকা জমা দিছিল।
