বড়োলেণ্ড টেৰিটৰিয়েল কাউন্সিল (বিটিচি)ৰ দুদিনীয়া বাজেট অধিৱেশনৰ বৃহস্পতিবাৰে সামৰণি পৰে।
সামৰণিৰ দিনা ২০১৮-১৯ বিত্তীয় বৰ্ষৰ বাবে ২,৪১৬.২৬ কোটি টকাৰ সাধাৰণ বাজেট বিত্ত বিভাগৰো দায়িত্বত থকা বিটিচৰ মুৰব্বী হাগ্ৰামা মহিলাৰীয়ে উত্থাপন কৰে আৰু সাধাৰণ আলোচনাৰ পিছত সদনত গৃহিত হয়।
উল্লেখযোগ্য যে বিটিচিয়ে ইয়াৰ ৩২ লাখ জনসাধাৰণৰ বাবে এইবছৰ ৰাজ্য চৰকাৰৰ পৰা মাত্ৰ ৬১০ কোটি টকা লাভ কৰিছে আৰু স্বাভাৱিক বাজেটেৰ অধিক বিকাশ সাধন কৰা সম্ভৱ নহয়।
শাসক আৰু বিৰোধী দুয়ো দলেই অঞ্চলটোৰ সামগ্ৰিক বিকাশৰ বাবে কেন্দ্ৰৰ পৰা প্ৰত্যক্ষভাৱে পুঁজি আৱন্টনৰ বাবে দাবী উত্থাপন কৰে।
মহিলাৰীয়ে বুধবাৰে প্ৰস্তাৱিত জমা আৰু খৰচৰ বিটিচিৰ স্বাভাৱিক বাজেট (কাউন্সিলৰ ভাগৰ) ২,৪২৯.৮৭ কোটি আৰু প্ৰস্তাৱিত খৰচ ২,৪১৬.২৬ কোটি টকাৰে ১৩.৬০ কোটি টকাৰ ৰাহি বাজেটখন সদনত বিবেচনাৰ বাবে দাখিল কৰে। বিটিচি মুৰব্বী হাগ্ৰাম মহিলাৰীৰ হৈ বাজেটখন সদন পাঠ কৰে বিটিচিৰ উপ মুখ্য কাৰ্যবাহী কাম্পা বৰগয়াৰীয়ে।
বাজেটত বিটিচিৰ অন্যান্য বিকাশৰ লগতে পথ যোগাযোগৰ উন্নয়ন, শিক্ষা, গ্ৰাম্য উন্নয়ন, স্বাস্থ্য আৰু কৃষিত গুৰুত্ব আৰোপ কৰা হৈছে।
মহিলাৰীয়ে কয় যে তেওঁলোকে কাউন্সিলৰ অন্যান্য বিষয়ৰ লগতে প্ৰকল্প আৰু আঁচনিসমূহৰ ৰূপায়নকে ধৰি বিভিন্ন সমস্যা তথা বিবাদসমূহৰ বিষয়ে অসমৰ ৰাজ্য চৰকাৰক অৱগত কৰিব।
মহিলাৰীয়ে জনায় যে কাউন্সিলে আঁচনি আৱন্টন অনুসৰি নিৰ্দ্ধাৰণ কৰা বিকাশৰ লক্ষ্যত উপনীত হ’বলৈ দায়বদ্ধ।
তেওঁ লগতে কয় যে তেওঁ আৰু তেওঁৰ দলে অঞ্চলটোৰ সামগ্ৰিক বিকাশৰ বাবে বিটিচিৰ সকলো সদস্যৰ সহযোগত আনকি কঠোৰ পৰিশ্ৰম কৰিবলৈ বদ্ধপৰিকৰ।
এই লক্ষ্যত উপনীত হ’বলৈ কেন্দ্ৰ আৰু ৰাজ্য চৰকাৰ দুয়োখনেৰে সহযোগিতাৰ প্ৰয়োজন।
ইয়াৰ মাজতে বিৰোধী দলৰ নেতা ৰনগৌৰা নাৰ্জাৰীয়ে কয় যে জনসংখ্যাৰ গাঁথনিৰ ওপৰত বিটিচিৰ বাবে ৰাজ্য চৰকাৰে পৰ্যাপ্ত পুঁজি মোকলাই দিয়া নাই।
অঞ্চলটোৱে ইয়াৰ জনসংখ্যাৰ গাঁথনি অনুসৰি বছৰি ১২.১৯ শতাংশ অংশৰে কমেও ৩০০০ কোটি টকা পাব লাগে যদিও ৰাজ্য চৰকাৰে ৬১০ কোটি টকাহে মুকলি কৰি দিছে যিটো গ্ৰহণযোগ্য নহয়।
তেওঁ কয় যে সাত লাখ জনসংখ্যাৰে সৰু ৰাজ্য ছিকিমে ৭০০০ কোটি টকা লাভ কৰিছে।
তেওঁ লগতে ৰাজ্য চৰকাৰৰ বাজেটৰ পিছত কাউন্সিলৰ বাজেট অনুষ্ঠিত কৰাটো অৰ্থহীন বুলিও মন্তৱ্য কৰে।
