বীৰ লাচিত সেনা অসমৰ কেন্দ্ৰীয় সমিতিৰ তত্বাৱধানত আজি মাৰ্ঘেৰিটা উন্নয়ন খণ্ডৰ সভাকক্ষত বীৰ লাচিত সেনাৰ তিনিচুকীয়া জিলাৰ মাৰ্ঘেৰিটা আঞ্চলিক সমিতিখন গঠন কৰা হয়।
এই সন্দৰ্ভত আজি অনুষ্ঠিত এখন ৰাজহুৱা সভাত বীৰ লাচিত সেনাৰ কেন্দ্ৰীয় সমিতিৰ সম্পাদক ৰন্টু পানী ফুকনৰ লগতে কেন্দ্ৰীয় সমিতিৰ সদস্য মৃদু পৱন লাহন আৰু শিৱসাগৰ জিলা সমিতিৰ সম্পাদক শৃংখল চলিহা, চৰাইদেও জিলা সমিতিৰ সম্পাদক ৰাজীৱ ফুকনৰ লগতে যোৰহাট জিলা সমিতিৰ সহ সম্পাদক ঐশ্বৰ্য প্ৰতীম বৰা উপস্থিত আছিল।
কেন্দ্ৰীয় সমিতিৰ বিষয়ববীয়াৰ উপস্থিতিত আজিৰ উক্ত সভাৰ সৰ্বসন্মতিক্ৰমে মাৰ্ঘেৰিটা বীৰ লাচিত সেনা, অসমৰ ৩০ জনীয়া মাৰ্ঘেৰিটা আঞ্চলিক সমিতিখন গঠন কৰা হয়।
১২জন সদস্য সহ গঠিত ৩০জনীয়া পূৰ্ণাঙ্গ সমিতিখনৰ বিষয়ববীয়া সকল হৈছে ক্ৰমে সভাপতি অভিজিত গগৈ, উপ সভাপতি প্ৰদীপ গগৈ, দ্বীপজ্যোতি বৰুৱা, যুটীয়া সম্পাদক ভাস্কৰ দাস, ৰাজীৱ বৰুৱা, সহ সম্পাদক অখিল বৰুৱা, লিন্টু গগৈ, প্ৰচাৰ সম্পাদক হৰ্ষজিত বৰুৱা, বিত্ত সম্পাদক বিকাশ বৰুৱা, কাৰ্য্যালয় সম্পাদক সঞ্জীৱ বৰুৱা, শিক্ষা সম্পাদক ৰিতুপন গগৈ, বিশ্বজিৎ মুদৈ, সাংগঠনিক সম্পাদক ধ্ৰুৱজ্যোতি বৰুৱা ,পংকজ গগৈ, গহীন গগৈ, ক্ৰীড়া সম্পাদক দেৱজিত কটকী ,বিতুপন সনোৱাল, মনোজ কোঁৱৰ, বিকাশ বৰুৱা, সাংস্কৃতিক সম্পাদক প্ৰণৱ বৰুৱা আৰু বিপ্লৱ দিহিঙীয়া।
আজি গঠন হোৱা নৱগঠিত সমিতিখনে কয় যে তেওঁলোকে বীৰ লাচিতৰ আদৰ্শৰে অনাগত দিনত অসমৰ প্ৰতিটো সমস্যাতে আপোচবিহীন ভাৱে মাত মাতি যাব।