ভাৰতীয় মজদুৰ সংঘৰ অধীনৰ ভাৰতীয় প্ৰাইভেট ট্ৰেন্সপ’ৰ্ট মজদুৰ মহাসংঘ চমুকৈ বি পি টি এমৰ শিলচৰ গোটে আজি ধৰ্মনগৰৰ অইল ডিপোটৰ সন্মুখত ধৰ্ণা আৰু প্ৰতিবাদৰ কাৰ্য্যসূচী ৰূপায়ণ কৰে।
প্ৰতিবাদকাৰী সংগঠনটোৱে দৈনিক মজুৰি বৃদ্ধিৰ দাবীত এই প্ৰতিবাদী কাৰ্য্যসূচী লোৱা বুলি জানিব পৰা গৈছে। প্ৰতিবাদত অংশগ্ৰহণ কৰা শ্ৰমিকসকলে কয় যে যোৱা ১০ বছৰ ধৰি তেওঁলোকে বিভিন্ন এজেন্সিৰ অধীনত তেলৰ টেংকাৰ চলাই আহিছে। কিন্তু তেওঁলোকক অতি কম মজুৰিত খটাই থকা হৈছে।
প্ৰতিবাদকাৰীসকলে আৰু কয় যে তেওঁলোকে যেতিয়াই দৰমহা বঢ়োৱাৰ বাবে দাবী উত্থাপন কৰি আহিছে, তেতিয়াই বাওঁ দলৰ গুণ্ডাই তেওঁলোকক ভাবুকি দি আহিছিল। কিন্তু এতিয়া বিজেপিৰ চৰকাৰ অহাত তেওঁলোকে তেওঁলোকৰ দাবী উত্থাপন কৰিছে।
প্ৰতিবাদত ভাগ লোৱা ড্ৰাইভাৰ শিৱশংকৰ বিন আৰু ৰাজীৱ সামে কয় যে তেওঁলোকে তেনেই কম দৰমহা পায় আৰু সকলো ধৰণৰ সা-সুবিধাৰ পৰা বঞ্চিত।
তেওঁলোকক কেতিয়াও সুযোগ দিয়া হোৱা নাই। যেতিয়াও তেওঁলোকে মেনেজাৰক জনায়, কোনো ধৰণৰ সঁহাৰি বা সহযোগ নাপায়। অৱশেষত তেওঁলোকে দৰমহা বৃদ্ধিৰ বাবে দাবী তুলিছে। লগতে কয় যে দৰমহা নবঢ়ালে অধিক শক্তিশালী আৰু বহল পৰিসৰত প্ৰতিবাদ সাব্যস্ত কৰিব।
