মণিপুৰ আৰক্ষী আৰু অসম ৰাইফলচ ট্ৰুপাৰে যুটীয়া অভিযান চলাই আজি এটা নৱগঠিত বিদ্ৰোহী সংগঠন এটাৰ তিনিজনকৈ সদস্য গ্ৰেপ্তাৰ কৰিবলৈ সক্ষম হয়।
ইম্ফল ইষ্ট জিলাৰ আৰক্ষী অধীক্ষক কাবিব কেই জনোৱা মতে, ‘১৩ লাখ টকাৰ মুক্তিপণ দাবী কৰি যোৱা বৃহস্পিতবাৰে নিশা চিংতাম লিবাৰেচন আৰ্মিয়ে এ আখিখ’ নামৰ এজন ট্ৰাক চালকক অপহৰণ কৰিছিল।’ আখিখ’ক সেনাপতি জিলাৰ মতবুঙৰ পৰা পথত ভেটা দি অপহৰণ কৰি লৈ যোৱা হৈছিল। অধীক্ষকজনে লগতে জনায় গোপন খবৰৰ ভিত্তিত অপহৃত লোকজনৰ সন্ধানত চলোৱা যুটীয়া অভিযানৰ সময়তে লোকজনক উদ্ধাৰ কৰা হয়।
গ্ৰেপ্তাৰ হোৱা সদস্য কেইজনৰ পৰা এটা চীনা নাইন এম এম পিষ্টল, ৪ টা মোবাইল হেণ্ডচেট আৰু এখন স্কুটাৰ উদ্ধাৰ কৰে।
অপহৃতজনক উদ্ধাৰৰ পিছতে তেওঁৰ মুক্তিৰ দাবীত আহ্বান কৰা পথ অৱৰোধ কাৰ্যসূচী শুকুৰবাৰে আবেলি উঠাই লোৱা হয়।
