নিৰ্দলীয় বিধায়ক চালেং এ চাংমাই বৰ্তমানৰ নৱম মেঘালয় বিধানসভাৰ পৰা পদত্যাগ কৰিব। এই কথা বিধায়কজনৰ এটা সূত্ৰই জানিবলৈ দিছে এন ই নাওক। সূত্ৰটোৱে জনোৱা মতে ইয়াৰ পিছতে চাংমাই নেশ্যনেলিষ্ট কংগ্ৰেছ পাৰ্টিৰ নেতৃত্বৰ দায়িত্ব গ্ৰহণ কৰিব।
উল্লেখযোগ্য যে দুবাৰকৈ বিধায়ক হোৱা চালেঙে যোৱাটো বিধানসভা নিৰ্বাচনত নিৰ্দলীয় হিচাপে গামবাগ্ৰে সমষ্টিৰ পৰা প্ৰতিদ্বন্দ্বিতা কৰি বিজয়ী হৈছিল।
‘মই বিধানসভাৰ সদস্য হিচাপে পদত্যাগ কৰিম।’ এইদৰে কয় বিধায়কজনে।
বৰ্তমানৰ এন চি পিৰ ৰাজ্যিক সভাপতি বিজয় ৰাজে কয় যে চালেঙে ৰাতি ১২.৩০ বজাত দলৰ মুখ্য কাৰ্যালয়ত দলৰ সভাপতি হিচাপে দায়িত্ব ল’ব। চেলেঙে এন চি পিৰ প্ৰাক্তন প্ৰধান আৰু দক্ষিণ শ্বিলঙৰ প্ৰাক্তন বিধায়ক চেনবৰ চুলাইৰ ঠাইত এই দায়িত্ব ল’ব। চেনবৰ চুলায়ে অলপতে বিজেপিত যোগদান কৰিছিল।
আনহাতে চেলেঙ দাবী কৰিছে যে গাৰো পাহাৰৰো কেইজনমান প্ৰাক্তন বিধায়কে এন চি পিত যোগদান কৰিব আৰু আগন্তুক বিধানসভা নিৰ্বাচনত দলটোৰ পৰা প্ৰতিদ্বন্দ্বিতা কৰিব।
উল্লেখযোগ্য যে এন চি পি যোৱা নিৰ্বাচনত ৬০খন আসনৰ মাত্ৰ দুখনহে পাবলৈ সক্ষম হৈছিল। ইয়াৰে ক্ৰমে চেনবৰ চুলাই দক্ষিণ শ্বিলং আৰু মেণ্ডিপথাৰ সমষ্টিৰ পৰা মাৰ্থন চাংমাই জয়ী হৈছিল। দলটোৰ আনজন বিধায়ক মাৰ্থন চাংমাই অহা কেইদিনমানৰ ভিতৰত কংগ্ৰেছত যোগদান কৰাৰ কথা।
