আজি বিয়লি ৩.৩০ মান বজাত কলিয়াবৰৰ বুঢ়াপাহাৰৰ দেওপানী দলঙৰ সমীপত সংঘটিত দুৰ্ঘটনাৰ ফলত এখন বলেৰ’ পিক-আপ ভানে নিয়ন্ত্ৰণ হেৰুৱাই ৰাষ্ট্ৰীয় ঘাইপথৰ পৰা ২০ ফুট দ’ খাৱৈত পৰেগৈ।
বোকাখাতৰ পৰা নগাঁও অভিমুখী এ এছ ০২ বি চি ২৫৭৬ নম্বৰৰ বলেৰ’ পিক-আপ ভানখনে দেওপানী দলঙৰ সমীপতে নিয়ন্ত্ৰণ হেৰুৱাই বাগৰি পৰে দ খাৱৈত। দুৰ্ঘটনাটোৰ ফলত বাহনখনৰ চালকসহ তিনিজনকৈ আৰোহী গুৰুতৰভাৱে আহত হয়।
ইফালে দুৰ্ঘটনা সংঘটিত হোৱাৰ লগে লগে জখলাবন্ধা আৰক্ষীৰ এটা দল ঘটনাস্থলীত উপস্থিত হৈ আহত লোক কেইজনক ততালিকে জখলাবন্ধা অসামৰিক চিকিৎসালয়লৈ চিকিৎসাৰ বাবে নিয়াৰ ব্যৱস্থা কৰে।
তীব্ৰগতিৰে গাড়ী চলোৱাৰ বাবে নিয়ন্ত্ৰণ কৰিব নোৱাৰি উক্ত ঘটনাটো সংঘটিত হোৱা বুলি অনুমান কৰিছে জখলাবন্ধা আৰক্ষীয়ে।
