ছ’চিয়েল মিডিয়াত সোপাধৰাক লৈ অপপ্ৰচাৰ চলোৱা এজন যুৱকক আৰক্ষীয়ে গ্ৰেপ্তাৰ কৰিবলৈ সক্ষম হয়। ধৃত যুৱক জন ডিফুৰ ৰংপাঙৰিৰ নিৱাসী ভূপেন্দ্ৰ তেৰাং বুলি জানিব পৰা গৈছে।
উল্লেখযোগ্য যে এই ভূপেন্দ্ৰ তেৰাং নামৰ যুৱকজনে ছ’চিয়েল মিডিয়াত সোপাধৰাক লৈ ভাইৰেল কৰিছিল ভুৱা মেছেজ। যাৰ ফলত শুকুৰবাৰে নিশা কাৰ্বি আংলঙৰ ডকমকাত সংঘটিত হয় এক নৃশংস অমানৱীয় ঘটনা। আৰু নৃশংস, অমানৱীয় ঘটনাত প্ৰাণ হেৰুৱাব লগীয়া হয় গুৱাহাটীৰ অভিজিৎ নাথ আৰু নিলোৎপল দাস নামৰ দুই যুৱকে।
আনহাতে সমগ্ৰ ৰাজ্য কঁপাই যোৱা এই ঘটনাৰ অৰক্ষীয়ে ক্ষীপ্ৰ তদন্ত কৰি শনিবাৰে ৫ জন অভিযুক্ত আটক কৰে। আৰু আজি পুনৰ আৰক্ষীয়ে অভিযান ছ’চিয়েল মিডিয়াত সোপাধৰাৰ ভুৱা মেছেজ ভাইৰেল কৰা ভূপেন্দ্ৰ তেৰাঙকে ধৰি ১১ জনক আটক কৰিবলৈ সক্ষম হয়।
