নলবাৰী জিলা সাহিত্য সভাৰ উদ্যোগত আৰু চামতা আঞ্চলিক সাহিত্য সভাৰ সহযোগত শনিবাৰে চামতাত এক গাম্ভীৰ্যপূৰ্ণ কাৰ্য্যসূচীৰে মাজেৰে গ্ৰন্থ সংগ্ৰহ আৰু গ্ৰন্থ প্ৰদান অনুষ্ঠান সম্পন্ন হৈ যায়।
চামতা জামৰতলস্থিত পশ্চিম নলবাৰী প্ৰেছ ক্লাবৰ কাৰ্যালয় ভৱনত আবেলি ৪ বজাত অনুষ্ঠিত সভাখনত সভাপতিত্ব কৰে চামতা আঞ্চলিক সাহিত্য সভাৰ সভাপতি হিৰণ্য বৰ্মনে । সভাৰ উদ্দেশ্য ব্যাখ্যা কৰে চামতা আঞ্চলিক সাহিত্য সভাৰ সম্পাদক প্ৰদীপ কুমাৰ বৰ্মনে।
গ্ৰন্থ প্ৰদান আৰু গ্ৰন্থ সংগ্ৰহ অনুষ্ঠানটোত উপস্থিত থকা বিশিষ্ট লোকসকলে চামতা আঞ্চলিক সাহিত্য সভাৰ পদক্ষেপক শলাগ লয় আৰু কয় যে বৰ্তমান সময়ত নৱ প্ৰজন্মৰ গ্ৰন্থৰ প্ৰতি আগ্ৰহ কমিছে । গ্ৰন্থ পঢ়িব লাগিব ৰচনা কৰিব লাগিব আৰু ইয়াৰ সংৰক্ষণৰ ব্যৱস্থা কৰিব লাগিব। গ্ৰন্থৰ জৰিয়তে সমাজৰ উপকাৰ সাধন হ’ব লাগিব।
এই অনুষ্ঠানত কবি, লিখক তথা কৃতি শিক্ষক প্ৰৱীন চন্দ্ৰ বৰ্মন, লিখক, সাহিত্যিক তথা গ্ৰন্থ দাতা ভূৱনেশ্বৰ ডেকা, বলেন কুমাৰ গোস্বামী, হৰ্ষমোহন শৰ্মা, অসম সাহিত্য সভাৰ কাৰ্যনিৰ্বাহক সদস্য গোৱিন্দ কলিতা, নলবাৰী জিলা সাহিত্য সভাৰ সভাপতি ডা: বিপিন চন্দ্ৰ কলিতা, কৃতি শিক্ষয়ত্ৰী সাৱিত্ৰী দাস, নলবাৰী জিলা কৰ্মচাৰী পৰিষদৰ সভাপতি তপন কুমাৰ শৰ্মা, পশ্চিম নলবাৰী আঞ্চলিক কৰ্মচাৰী পৰিষদৰ সভাপতি হাচান আলী প্ৰমূখ্যে কেইবাগৰাকীও বিশিষ্ট ব্যক্তিয়ে ভাষণ প্ৰদান কৰে।
এই অনুষ্ঠানতে লিখক সাহিত্যিক ডাঃ খগেন ডেকা, ভূৱনেশ্বৰ ডেকা, বলেন কুমাৰ গোস্বামী, হৰ্ষমোহন শৰ্মা, প্ৰৱীণ চন্দ্ৰ বৰ্মন, প্ৰদীপ কুমাৰ বৰ্মন, হিৰণ্য বৰ্মন আদিয়ে চামতা আঞ্চলিক সাহিত্য সভাক প্ৰায় ১০০ খনোৰ অধিক গ্ৰন্থ নলবাৰী জিলা সাহিত্য সভাক আনুষ্ঠানিক ভাৱে প্ৰদান কৰে চামতা আঞ্চলিক সাহিত্য সভাৰ সভাপতি হিৰণ্য বৰ্মন আৰু সম্পাদক প্ৰদীপ কুমাৰ বৰ্মনে।
উল্লেখ্য যে সভাত অঞ্চলটোৰ কেইবাগৰাকীও বিশিষ্ট সাহিত্যিক তথা গণ্য মান্য লোক উপস্থিত আছিল।
