কেইদিনমান ধৰি চিটি বাছৰ নাটনিৰ বাবে গুৱাহাটীৰ নাগৰিকসকলে যথেষ্ট সমস্যাৰ সন্মুখীন হৈছে। মহানগৰীখনৰ পৰা প্ৰায় ৪০০ খন বাছ নিৰ্বাচন অনুষ্ঠিত হ’বলগীয়া নাগালেণ্ডলৈ প্ৰেৰণ কৰা হৈছে।
অহা ১ মাৰ্চলৈকে যিসকল লোকে যাতায়তৰ বাবে স্থানীয় পৰিবহনৰ বাছসেৱা গ্ৰহণ কৰি আহিছে তেওঁলোক আহুকালৰ সন্মুখীন হ’ব আৰু অহা মাহৰ প্ৰথম সপ্তাহত বাছবোৰ উভতি নহালৈকে এই সমস্যা থাকিব।
নাগালেণ্ডত নিৰ্বাচনৰ কাম চলি থকাৰ বাবে ৰাজ্যখনক ট্ৰাক, বাছ আৰু সৰু বাহনকে ধৰি প্ৰায় ৪,০০০যান-বাহনৰ প্ৰয়োজন হৈছে।
‘’যোৱা কেইদিন ধৰি মই বাছ নোপোৱাৰ বাবে খোজ কাঢ়ি কাৰ্যালয়লৈ আহিবলগীয়া হৈছে। কাৰ্যালয়লৈ ওলাই আহি দীৰ্ঘ সময় ধৰি বাছৰ বাবে অপেক্ষা কৰিবলগীয়া হৈছে আৰু তাৰপিছতো বাছবোৰ ইমান ভিৰ যে তাত উঠিব পৰাটো অসম্ভৱ,’’-এগৰাকী গাণনিক সংগীতা দাসে এইদৰে কয়।
ভাড়াৰ বাবে অধিগ্ৰহণ কৰা যান-বাহনসমূহ গুৱাহাটীৰ খানাপাৰাৰ পশু চিকিৎসা মহাবিদ্যালয় খেলপথাৰত ৰখা হৈছে।
মহানগৰীত প্ৰায় ১,২৪৭ খন বাছ সাধাৰণতে চলাচল কৰে কিন্তু বাছৰ এই নাটনিৰ বাবে এতিয়া মাত্ৰ ৬৬৯ খন বাছহে চলাচল কৰি আছে।
এটা ব্যক্তিগত বেংকৰ কৰ্মচাৰী আশীষ শৰ্মাই কয়, ‘’ মই এটা ব্যক্তিগত বেংকত কাম কৰাৰ কাৰণে প্ৰতিদিনে মোৰ অলপ দেৰি হয়। যোৱা নিশা প্ৰায় আধা ঘন্টা সময় বাছৰ বাবে ৰোৱাৰ পিছত যেতিয়া বাছখন আহি পালে, বাছখন ইমান ভিৰ যে মোৰ বাবে উঠাটো জটিল হৈ পৰিল। মোৰ কৰ্মস্থান ঘৰৰ পৰা দূৰত হোৱাৰ বাবে খোজকাঢ়ি ঘৰলৈ যোৱাটো সম্ভৱ নহয়। যেতিয়া অত্যন্ত দেৰি হৈ গ’ল মই কেব এখন লৈ ঘৰ পালো কিন্তু সদায় কেব লোৱাটো অত্যন্ত ব্যয়বহুল। মই আশা কৰিছো এই সমস্যাটো সোনকালে সমাধান হ’ব।‘’
নাগালেণ্ডৰ পৰা দূৰণিবটীয়া বাছকে ধৰি ৭৩০ খন বাছ বিচৰা হৈছিল। তদুপৰি, ৭০০ খন সৰু মটৰ গাড়ীও নাগালেণ্ডলৈ ৰাওনা হ’ব।
আনহাতে, নিৰ্বাচন অনুষ্ঠিত হ’বলগীয়া আন এখন ৰাজ্য মেঘালয়লৈ
