বোকাখাতৰ লতাবাৰীত আজি পুৱা এক ভয়ঙ্কৰ পথ দুৰ্ঘটনা সংঘৰ্টিত হয় ৷ ৩৭ নং ৰাষ্ট্ৰীয় পথত সংঘৰ্টিত পথ দুৰ্ঘটনাটোত এজন লোকৰ ঘটনা স্থলীতে মৃত্যু হয় ৷
ট্ৰাক আৰু ৪০৭’ ৰ মুখামুখি সংঘৰ্ষৰ ফলত ৪০৭’ ৰ চালক তৌফিক আলি নিহত হোৱাৰ লগতে হেণ্ডিমেন ছহিদুল হুছেইন গুৰুতৰভাৱে আহত হয় ৷ দুয়োজনৰ ঘৰ বৰপেটাত বুলি জানিব পৰা গৈছে ৷
গুৱাহাটীৰ পৰা যোৰহাট,মৰান আৰু মোককচাং অভিমুখে সামগ্ৰী লৈ আহি থকা অৱস্থাত ৪০৭’ খন বোকাখাতৰ লতাবাৰীত বিপৰীত দিশৰ পৰা অহা ট্ৰাকখনৰ সৈতে মুখামুখি সংঘৰ্ষৰ সন্মুখীন হয় ৷
সংঘৰ্ষৰ ফলত প্ৰচণ্ড গতিত আহি থকা দুয়োখন গাড়ী পথৰ দাঁতিত বাগৰি পৰে ৷ দুৰ্ঘটনাত পতিত হোৱা ৪০৭’ গাড়ী খনৰ নম্বৰ এ এছ ০১ ই চি ০৬৮৮’ আৰু ট্ৰাকখনৰ নম্বৰ এ এছ ০১ জে চি ২৭৫১।
আনহাতে, এই ভয়ংকৰ পথ দুৰ্ঘটনাটোত ট্ৰাকৰ চালকজন আৰু হেণ্ডিমেনজন কথমপি ৰক্ষা পৰে ৷
