বৰপেটা জিলাৰ এ আই ডি ইউ এফ দলৰ যুৱ মৰ্চাৰ এখন বৰ্ধিত কাৰ্য্যকৰী সভা অহা ২৪ জুন ৰবিবাৰে কয়াকুছি মহাবিদ্যালয় প্ৰেক্ষাগৃহত দিনৰ ১১ বজাত আয়োজন কৰা হৈছে।
উক্ত সভাত মুখ্য অতিথি হিচাপে দলৰ যুৱ মৰ্চাৰ ৰাজ্যিক সভাপতি তথা নাওবৈচা সমষ্টিৰ বিধায়ক মামুদ ইমদাদুল হক চৌধুৰীৰ লগতে উপস্হিত থাকিব বৰপেটা জিলা সমিতিৰ সভাপতি তথা ভৱানীপুৰ সমষ্টিৰ বিধায়ক আবুল কালাম আজাদ, বৰপেটা জিলাৰ কাৰ্য্যকৰী সভাপতি তথা জনিয়া সমষ্টিৰ প্ৰাক্তন বিধায়ক হাফিজ ৰফিকুল ইছলাম, সৰুক্ষেত্ৰী বিধানসভাৰ প্ৰাক্তন বিধায়ক আলি হুছেইন, বৰপেটা জিলা যুৱ মৰ্চাৰ সভাপতি অধিবক্তা মতিউৰ ৰহমান উপস্থিত থাকিব।
সভাখনত বৰপেটা জিলাৰ সকলো স্তৰৰ নেতৃবৃন্দ, জিলাৰ সকলো সমষ্টিৰ পৰা সমষ্টি সমিতিৰ বিষয় ববীয়াকে ধৰি সাধাৰণ কৰ্মীসকল উপস্থিত থাকিব। সভাখনত সকলোকে উপস্হিত থাকিবলৈ আহব্বান জনাইছে বৰপেটা জিলা যুৱ মৰ্চাৰ সম্পাদক আজিজুল আলী আহমেদে।
