অবৈধ অনুপ্ৰেৱশৰ বিৰুদ্ধে অভিযান তীব্ৰতৰ কৰি তুলি দেওবাৰে জিৰিবাম জিলাৰ আৰক্ষীয়ে মণিপুৰৰ আন্তঃৰাজ্যিক সীমান্তৰ সৈতে লাগি থকা নদীৰ ওপৰত অবৈধভাৱে নিৰ্মাণ কৰা এখন বাঁহৰ দলং ভাঙি পেলায়।
এই ভাঙি পেলোৱা দলংখন অসমৰ কাছাৰৰ বখালক মণিপুৰৰ সৈতে সংযোগ কৰা জিৰি নদীৰ ওপৰত নিৰ্মাণ কৰা হৈছিল।
জিলা আৰক্ষীয়ে জিৰিবামৰ বিভিন্ন স্থানত অকৰ্তৃত্বশীলভাৱে নিৰ্মাণ কৰা এনেধৰণৰ ৫খন অস্থায়ী বাঁহৰ দলং ভাঙি পেলাইছিল।
যোৱা ২০ ডিচেম্বৰত ৰাজ্যখনত প্ৰৱেশ কৰিব খোজা ৰহিঙিয়া মুছলমানৰ এটা দলৰ এগৰাকীক গ্ৰেপ্তাৰ কৰাৰ পিছত এই অভিযান চলোৱা হৈছে।
ইয়াৰ পূৰ্বে বৃহস্পতিবাৰে মুখ্যমন্ত্ৰী এন বীৰেন সিঙে একাদশ বিধানসভাৰ তৃতীয় অধিৱেশনৰ সামৰণিৰ দিনা সদনত জনাইছিল যে অনুপ্ৰৱেশ কৰিব বিচৰা ৰহিঙিয়াৰ দলটোৰ পলাই সাৰিবলৈ সক্ষম হোৱা ৬ গৰাকী ব্যক্তিক গ্ৰেপ্তাৰ কৰিবলৈ আৰক্ষীয়ে অভিযান চলাই আছে। গ্ৰেপ্তাৰ হোৱা একমাত্ৰ লোকজনক বিদেশী অনুপ্ৰৱেশ আইনৰ অধীনত আটক কৰা হৈছে।
মুখ্যমন্ত্ৰীগৰাকীয়ে লগতে প্ৰকাশ কৰিছিল যে অবৈধ প্ৰব্ৰজনৰ ক্ষেত্ৰত জিৰিবাম হৈছে আটাইতকৈ স্পৰ্শকাতৰ অঞ্চল।
ৰাজ্যখনৰ গুৰুত্বপূৰ্ণ অঞ্চলসমূহত অবৈধ প্ৰব্ৰজনকাৰীৰ বিৰুদ্ধে নথি-পত্ৰ পৰীক্ষণ আৰু তালাচী চলাই থকা হৈছে।
সীমান্ত অঞ্চলৰ গাওঁসমূহত আৰক্ষী চকী স্থাপন, আৰক্ষী বাহিনী বৃদ্ধি কৰা, আৰক্ষী বাহিনীৰ বাবে অধিক নাওৰ ব্যৱস্থা কৰা আদি কিছুমান ব্যৱস্থা শেহতীয়াভাৱে ৰাজ্য চৰকাৰে গ্ৰহণ কৰিছে।
