আছাম ৰাইফলছে মণিপুৰৰ টেংনৌপল জিলাৰ ৩১ গৰাকী গাওবাসীৰ মাজত ১,১০,০০০ টা ফল আৰু আলংকাৰিক গছৰ পুলি বিতৰণ কৰিছে।
নিৰ্বনানীকৰণৰ বাবে লাখ লাখ গছ গছনি আৰু পশু পক্ষীয়ে বাসস্থান হেৰুৱাই পেলোৱাৰ লগতে জলবায়ু পৰিৱৰ্তন হোৱাটো ৰক্ষা কৰাৰ প্ৰতি এটা দায়িত্ব হিচাপে আছাম ৰাইফলছে এই উদ্যোগ গ্ৰহণ কৰিছে বুলি বাহিনীটোৰ জন সম্পৰ্কৰক্ষী বিষয়াগৰাকীৰ (দক্ষিণ) দ্বাৰা প্ৰকাশিত এটা সংবাদ বিজ্ঞপ্তিত প্ৰকাশ।
ফল গছৰ পুলিসমূহ হৈছে কাজু বাদাম, লিচু, নাৰিকল, কমলা, নেমু, কল, তামোল, পাণ আৰু য়াংচাক। তাৰোপৰি বিভিন্ন আলংকাৰিক গছৰ পুলিও বিতৰণ কৰা হয়।
বন বিষয়াসকলৰ সৈতে অনুকুল পৰিৱেশ সম্পৰ্কে অৱগত হৈ সুপৰিকল্পিতভাৱে ফাৰ্ম পকেট প্ৰস্তুত কৰি আছাম ৰাইফলছে এই গছ পুলিসমূহ বিতৰণ কৰিছে।
এটা কষ্টকৰ জীৱন যাপন কৰি থকা স্থানীয় লোকসকলে আছাম ৰাইফলছৰ এইকামৰ শলাগ লৈছে আৰু এই গছপুলিসমূহৰ পৰা তেওঁলোকৰ ভৱিষ্যত ভাল হ’ব বুলি আশা কৰিছে।
বিগত এপ্ৰিল মাহত আছাম ৰাইফলছে বন আৰু উদ্যানশস্য বিভাগৰ সহায়ত গাঁওৰ মুখিয়ালসকলৰ সৈতে এই কাৰ্যসূচী সম্পৰ্কত বিতং আলোচনা কৰি বৃক্ষ ৰোপণ আৰু ইয়াৰ যত্ন সম্পৰ্কে এখন সজাগতা সভা অনুস্থিত কৰিছিল।
উল্লেখে যে শুকুৰবাৰে ঊন আৰু উদ্যান মন্ত্ৰী থ শ্যামকুমাৰে এই ফলধাৰী গছ ৰোপণ কৰাৰ সম্ভাৱনীয়তা সন্দৰ্ভত জনাৰ বাবে ভাৰত-ম্যানমাৰ সীমান্তৱৰ্তী টেংনৌপন জিলা ভ্ৰমণ কৰিছিল।
