অনূৰ্ধ্ব ২০ ভাৰতীয় দলত অসমৰ উদীয়মান ফুটবলাৰ অমন চেত্ৰী

২৯ মে’ৰ পৰা স্পেইনত অনুষ্ঠিত হ’বলগীয়া কটিফ (COTIF) ইণ্টাৰনেশ্যনেল ফুটবল টুৰ্ণামেণ্টৰ বাবে ঘোষণা কৰা ২৫ জনীয়া অনূৰ্ধ্ব ২০ ভাৰতীয় দলত স্থান লাভ অসমৰ উদীয়মান ফুটবলাৰ অমন চেত্ৰীৰ।

উল্লেখ্য যে ভাৰতত অনুষ্ঠিত হোৱা ফিফা ১৭ অনূৰ্ধ্ব বিশ্বকাপ প্ৰতিযোগিতাত আঘাতৰ বাবে ভাৰতীয় দলত স্থান লাভৰ পৰা বঞ্চিত হোৱা চেত্ৰী সুদীৰ্ঘ দিনৰ অন্তত প্ৰত্যাৱৰ্তন কৰিবলৈ সক্ষম হ’ল অনূৰ্ধ্ব ২০ ভাৰতীয় দললৈ।

শুকুৰবাৰে ভাৰতীয় ফুটবল ফেডাৰেশ্যনে ঘোষণা কৰা ২৫ জনীয়া ভাৰতীয় দলত অমন চেত্ৰীৰ অন্তৰ্ভূক্তি অসমৰ ক্ৰীড়া প্ৰেমীৰ বাবে সুখৰ খবৰ।

উল্লেখ্য যে ভাৰতীয় ফুটবল দলত আক্ৰমণাত্মক ফ’ৰৱাৰ্ড হিচাপে গুৰুত্বপূৰ্ণ ভূমিকা ল’ব প্ৰতিভাৱান অমন চেত্ৰীয়ে।

২৯ জুলাইৰ পৰা স্পেইনত আৰম্ভ হ’বলগীয়া প্ৰতিযোগিতাখনত ভাৰতে মূৰ্ষিয়া, মৰিতানিয়া, ভেনিজুৱেলা আৰু আৰ্জেণ্টিনাৰ বিৰুদ্ধে খেলিব।