আজি অৰুণাচলৰ পশ্চিম কামেং জিলাৰ ৰূপা আৰক্ষী চকীৰ অন্তৰ্গত গাৰবৌ গাৱঁৰ কাষৰ এটা গভীৰ খাৱৈত টাটা ছুমো এখন দুৰ্ঘটনাগ্ৰস্ত হয়। এই দুৰ্ঘটনাত চালকসহ ৪জন লোক নিহত হোৱাৰ লগতে এগৰাকী নাবালিকা বেয়াকৈ আহত আহত হয়।
আৰক্ষী সূত্ৰই জনোৱা মতে এআৰ০৬-৩৩০১ নম্বৰত পঞ্জীয়ণভুক্ত অভিশপ্ত টাটা ছুমো বাহনখন পশ্চিম কামেং জিলাৰ নাফ্ৰা এলেকাৰ পৰা ৰূপা চহৰলৈ গৈ আছিল। গাড়ীখনে নিয়ন্ত্ৰণ হেৰুৱাই এটা গভীৰ খাদত বাগৰি পৰাৰ ফলত গাড়ীখনৰ চালকসহ ৪জন লোক নিহত হয়।
দুৰ্ঘটনাত গুৰুতৰভাৱে আহত নাবালিকাগৰাকীক ততালিকে ৰূপাত অৱস্থিত সামৰিক চিকিৎসালয়ত ভৰ্তি কৰোৱা হয়।আহত নাবালিকা গৰাকীৰ সন্দৰ্ভত এই পৰ্যন্ত আৰু বিতংকৈ জানিব পৰা হোৱা নাই।
