অৱহেলাৰ বলি হৈ আত্মহত্যা কৰা শিৱসাগৰৰ অনু বৰুৱাৰ দুই পো–বোৱাৰীক ৩দিনৰ আৰক্ষীৰ জিম্মালৈ
প্রতিনিধিত্বমূলক ফটো
শিৱসাগৰত পো-বোৱাৰীৰ চূড়ান্ত অৱহেলা-অপমানৰ বলি হৈ ৰজনী খাৰঘৰীয়া আৰু তেওঁৰ পত্নীয়ে মৃত্যুক সাৱটিব লগীয়া ঘটনাৰ এমাহ মানৰ পিছতে পুনৰ একে পৰিস্থিতিৰ বলি হৈ মৃত্যুক আঁকোৱালি লোৱা অনু বৰুৱাৰ দুই পুত্ৰ আৰু বোৱাৰীয়েকক আৰক্ষীয়ে আজি গ্ৰেপ্তাৰ কৰি আদালতত হাজিৰ কৰোৱায়।
আদালতে অনু বৰুৱাৰ পুত্ৰদ্বয় ক্ৰমে অংশুমান বৰুৱা আৰু নৱজ্যোতি বৰুৱা আৰু দুই বোৱাৰীক ৩ দিনৰ বাবে আৰক্ষীক জিম্মাত দিয়ে।
উল্লেখযোগ্য যে যোৱা ৯ আগষ্টত শিৱসাগৰ জিলাৰ ঢুলীয়াপাৰ দিছিয়ালৰ অনু বৰুৱাৰ অগ্নিদগ্ধ মৃতদেহ ৰহস্যজনক অৱস্থাত ঘৰৰ পিছফালৰ চোতালত উদ্ধাৰ হৈছিল।
অনু বৰুৱাই লিখা বুলি সন্দেহ কৰা এখন ছুইচাইড নোট আৰক্ষীয়ে উদ্ধাৰ কৰিছিল, য’ত পো-বোৱাৰীৰ বিৰুদ্ধে অৱহেলা-অত্যাচাৰৰ অভিযোগ কৰা হৈছে।
ইয়াৰ ভিত্তিতে ঘটনাৰ অনুসন্ধানকাৰী আৰক্ষীয়ে অনু বৰুৱাৰ পো-বোৱাৰীক গ্ৰেপ্তাৰ কৰিছিল।