বৃহস্পতিবাৰে ইম্ফলৰ হোটেল ইম্ফলৰ ছাংগাই হলত মণিপুৰ গ্ৰামীন বেংকে এখন বৃহৎ ঋণ মেলাৰ আয়োজন কৰে।
অনুষ্ঠানত ৰাজ্যৰ মুখ্যমন্ত্ৰী এন বীৰেন সিং, বন তথা পৰিৱেশ মন্ত্ৰী টিএইচ শ্যামকুমাৰ আৰু মণিপুৰ গ্ৰামীন বেংকৰ অধ্যক্ষ ড০ প্ৰসন্ন কুমাৰে ৯৬১ গৰাকী ব্যক্তি তথা আত্মসহায়ক গোটক ৭০৯.৫৪ লাখ টকাৰ ঋণ প্ৰদান কৰে। ইয়াৰ ভিতৰত ৬২৬ টা (৫৬১ লাখ টকা) হৈছে মুদ্ৰা ঋণ।
অনুষ্ঠানত ভাষণ দি মুখ্যমন্ত্ৰীগৰাকীয়ে কয় যে ৰাজ্য চৰকাৰে বিত্ত বিভাগৰ জৰিয়তে সৰলভাৱে আৰু সহজতে পুজি মুকলি কৰাৰ প্ৰয়োজনীয়া ব্যৱস্থা গ্ৰহণ কৰিছে।
তেওঁ লগতে মণিপুৰ গ্ৰামীন বেংক কৰ্তৃপক্ষ আৰু ইম্ফল পৌৰ নিগমক যৌথভাৱে ইম্ফলৰ খুৱাইৰামবেণ্ড বজাৰৰ পথ ব্যৱসায়ীসকললৈ বিত্তীয় সাহায্য আগবঢ়াৱ পৰা যায় নেকি সেয়া অধ্যয়ন কৰিবলৈ নিৰ্দেশ দিয়ে যাতে উক্ত ব্যৱসায়ীসকলে নিজৰ নিজৰ অঞ্চলত তেওঁলোকৰ ব্যৱসায় আৰম্ভ কৰিব পাৰে।
‘’এবাৰ ব্যাপক জৰীপ চলোৱাৰ পিছত পথ ব্যৱসায়ীসকলেও প্ৰধানমন্ত্ৰী নৰেন্দ্ৰ মোডীৰ পৰ্যবেক্ষণৰ অধীনত আৰম্ভ কৰা বিভিন্ন আঁচনিৰ জৰিয়তে সাহায্য লাভ কৰিব পাৰিব,’’-তেওঁ ব্যক্ত কৰে।
‘’ বৰ্তমান চৰকাৰে এটা নিৰ্দিষ্ট সময়সীমাৰ ভিতৰত নিৱনুৱা যুৱক-যুৱতীসকলক সংস্থাপন আগবঢ়োৱাৰ বাবে গুৰুত্বসহকাৰে প্ৰচেষ্টা চলাই আছে।‘’ প্ৰতিবেদনৰ তথ্য অনুসৰি এতিয়া প্ৰায় ৭.৫ লাখ নিবনুৱা যুৱক-যুৱতী আছে।
একেদৰে ২০১৮-১৯ বৰ্ষৰ বিত্তীয় বাজেটত চৰকাৰে দক্ষতা বিকাশৰ জৰিয়তে আত্মসংস্থাপনৰ সুযোগ সৃষ্টি কৰিব। তেওঁ লগতে কয় যে চৰকাৰে শিক্ষিত নিবনুৱাসকলক তেওঁলোকৰ নিজৰ ব্যৱসায় আৰম্ভ কৰিবলৈ ষ্টাৰ্ট আপ আঁচনিৰ জৰিয়তে সহায় আগবঢ়াব। ইয়াৰ বাবে ৩৫ কোটি টকা ধাৰ্য কৰা হৈছে।
বন তথা পৰিৱেশ বিভাগৰ মন্ত্ৰী শ্যামকুমাৰ আৰু মণিপুৰ গ্ৰামীন বেংকৰ অধ্যক্ষ ড০ প্ৰসন্ন কুমাৰেও অনুষ্ঠানত বক্তৱ্য আগবঢ়ায়।
১৯৮১ চনৰ ২৮ মে’ত স্থাপিত মণিপুৰ গ্ৰামীন বেংকৰ ৰাজ্যখনত বৰ্তমান ২২ টা শাখা আছে।
