মণিপুৰৰ বিখ্যাত লকটক হ্ৰদলৈ এই বছৰ তুলনামূলকভাৱে পৰিভ্ৰমী চ’ৰাইৰ সংখ্যা হ্ৰাস পাইছে। সাধাৰণতে এই পৰিভ্ৰমী চ’ৰাইবোৰ প্ৰতিবছৰে অ’ক্টোবৰ মাহত ইয়ালৈ আহে আৰু মাৰ্চৰ প্ৰথম ভাগলৈ থাকে। তদুপৰি, ডিচেম্বৰ আৰু জানুৱাৰী হৈছে পৰিভ্ৰমী চ’ৰাইবোৰ অহাৰ প্ৰকৃত সময়।
এই পৰিভ্ৰমী চ’ৰাইবোৰ প্ৰধানকৈ হাঁহজাতীয় পৰিয়ালৰ হয়। সেইবোৰ তিব্বত, চীন, ছাইবেৰিয়া আৰু ইউৰোপৰ পৰা উপযুক্ত পৰিৱেশ বিচাৰি এই অঞ্চললৈ আহে।
প্ৰায় ৬০ টা প্ৰজাতিৰ চ’ৰাইৰ তথ্য এতিয়ালৈকে লিপিবদ্ধ কৰা হৈছে আৰু ইয়াৰ ভিতৰত আটাইতকৈ সাধাৰণ প্ৰজাতি কেইটা হৈছে হুইষ্টলিং টীল, মাণ্ডাৰিন ডাক্চ, শ্বেলডাক্, আইবিছ আৰু গ্ৰে লেগ গীছ।
সংৰক্ষণবিদসকলে লক্ষ্য কৰিছে যে অঞ্চলটোত মানুহৰ বসতি আৰু অৰ্থনৈতিক কাৰ্যকলাপ বৃদ্ধি পোৱাৰ বাবে পৰিভ্ৰমী চ’ৰাইৰ সংখ্য্যা যোৱা কেইবছৰমানৰ পৰা ক্ৰমান্বয়ে হ্ৰাস পাই আহিছে।
নিশা লকটক হ্ৰদত মাছমৰীয়াবিলাকে এল ই ডি লাইট ব্যৱহাৰ কৰি মাছ মৰাটোও এই পৰিভ্ৰমী চ’ৰাইবোৰ অহা হ্ৰাস পোৱাৰ এটা মুখ্য কাৰণ।
এই বছৰ তিনিটাকৈ বানপানী আৰু ইথাই ভেটা ভগাৰ ফলত লকটকৰ পানীৰ স্তৰ বৃদ্ধ পোৱাটোও পৰিভ্ৰমী চ’ৰাই সংখ্যা হ্ৰাস পোৱাৰ আন এক কাৰণ বুলি ধৰিব পাৰি।
বিশষজ্ঞসকলৰ মতে এই চ’ৰাইবোৰে তৰাং পানী ভাল পায় আৰু এইবছৰ পানী কমি নোযোৱাৰ বাবে বহু সংখ্যক চ’ৰাই লকটকলৈ নাহিল। এই চ’ৰাইবোৰৰ বাবে প্ৰয়োজনীয় খাদ্য ইথাই ভেটাই ইৰাৱাদী নদীৰ উৎসৰ পৰা অহাটো বন্ধ কৰি ৰখাৰ বাবেও ইয়াৰ সংখ্যা হ্ৰাস পাইছে কিয়নো যিকোনো প্ৰাণীয়ে জীয়াই থাকিব নোৱাৰে।
পৰিভ্ৰমী চ’ৰাইৰ চক্ৰটো মানুহৰ কাৰণে আৰু জটিল প্ৰাকৃতিক ব্যৱস্থাটোৰ কাৰণেও গুৰুত্বপূৰ্ণ। সিঁহত অহাটো বন্ধ কৰিলে পৰিৱেশ ব্যৱস্থাটোত এটা ডাঙৰ পৰিৱৰ্তন ঘটিব পাৰে।
মণিপুৰৰ বন্যপ্ৰাণী সংৰক্ষণ বিভাগেও হ্ৰদটো সামূহিকভাৱে সংৰক্ষিত ৰূপত সংৰক্ষিত অঞ্চল হিচাপে সলনি কৰিব বিচাৰি আছে।
