ক্ষুদ্ৰ চাহ খেতিয়কৰ বাবে সু-খবৰ : আন্তঃৰাষ্ট্ৰীয় চাহ মেলালৈ আমন্ত্ৰিত শোণিতপুৰত উৎপাদিত চাহ

উজনি অসমত ক্ষুদ্ৰ চাহ খেতিয়কে উৎপাদিত কেঁচা চাহপাতৰ উচিত মূল্য বিচাৰি প্ৰতিবাদ কৰাৰ সময়তে শোণিতপুৰ জিলাত উৎপাদিত চাহ আমন্ত্ৰিত হৈছে চুবুৰীয়া ৰাষ্ট্ৰ চীনলৈ।

জিলাখনৰ জামুগুৰিহাটৰ ধলাইবিলত অৱস্থিত নাহৰবাৰী চাহ ফেক্টৰীত উৎপাদিত চাহৰ গুণগত মানৰ বাবে আন্তঃৰাষ্ট্ৰীয় বজাৰমুখী হৈছে।

আনহাতে শেহতীয়াকৈ অসমত উৎপাদিত চাহ আন্তঃৰাষ্ট্ৰীয় বজাৰলৈ আমন্ত্ৰিত হোৱাতোৱে ৰাজ্যখনৰ ক্ষুদ্ৰ চাহ খেতিয়ক সকলৰ লগতে নাহৰবাৰী চাহ ফেক্টৰীৰ চাহ খেতিয়ক সকলৰ মনলৈও আশাৰ সঞ্চাৰ কঢ়িয়াই আনিছে।

যিহেতু বহু কেইটা আত্মসহায়ক গোটৰ জৰিয়তে অঞ্চলটোৰ ক্ষুদ্ৰ চাহ খেতিয়কৰ কেঁচা চাহপাত ক্ৰয় কৰি চাহ উৎপাদন কৰি আহিছে নাহৰবাৰী চাহ ফেক্টৰীটোৱে।

প্ৰাপ্ত তথ্য মতে প্ৰতি কিলো কেঁচা চাহপাত ২২ টকা দৰত ক্ৰয় কৰি ক্ষুদ্ৰ চাহ খেতিয়কক সকাহ দিবলৈ সক্ষম হোৱা নাহৰবাৰী চাহ ফেক্টৰীত উৎপাদিত চাহ হংকঙত অনুষ্ঠিতব্য আন্তঃৰাষ্ট্ৰীয় চাহ মেলাৰ বাবে আমন্ত্ৰিত হৈছে।