মঙলবাৰে পাঠশালা অঞ্চলৰ শ্ৰমিক আৰু কৰ্মচাৰী সমন্বয় কমিটী নামৰ সংগঠনটোৰ বেনাৰত পাঠশালাত উদ্যাপন কৰা হয় আন্তঃজাতিক শ্ৰমিক দিৱস।
ভাগৱতী ক্ষেত্ৰৰ পৰা পাঠশালাৰ প্ৰধান পথসমূহৰ মাজেৰে প্ৰায় ৫০০ শ্ৰমিকে অংশগ্ৰহণ কৰা এটা সমদলৰ পদযাত্ৰাৰ দ্বাৰা দিনটোৰ কাৰ্যসূচী আৰম্ভ কৰা হয়। এই কাৰ্যসূচীৰ অংশ হিচাপে এটা সাংস্কৃতিক অনুষ্ঠানৰো আয়োজন কৰা হয়।
এই অনুষ্ঠানত সন্মানীয় অতিথি হিচাপে উপস্থিত আছিল বজালী উচ্চতৰ মাধ্যমিক বিদ্যালয়ৰ অৱসৰপ্ৰাপ্ত বিষয় শিক্ষক নাগেশ্বৰ দাস আৰু হাউলীৰ বি এইচ কলেজৰ অধ্যাপক ছুলতান আহমেদ হিচাপে উপস্থিত আছিল।
এই কাৰ্যসূচীৰ অন্তৰ্গত পাঠশালাৰ সৃষ্টি আৰু মেডিডেণ্ট ফাউণ্ডেশ্যনৰ সাহাৰ্যত এটা দন্ত পৰীক্ষা আৰু চিকিৎসা শিবিৰৰো আয়োজন কৰা হয়।ড০ ৰূপম গোস্বামীৰ নেতৃত্বত আয়োজিত এই শিবিৰটোৰ পৰা প্ৰায় ৩০০গৰাকী দুখীয়া লোক উপকৃত হয়।
উদ্বোধনী ভাষণত ড০ চৌধুৰীয়ে কয় যে আন্তঃজাতিক শ্ৰমিক দিৱসৰ দিনা তেওঁ দুখীয়া লোকসকলৰ সেৱা কৰিবলৈ পাই যথেষ্ট আনন্দিত। সমাজলৈ অৰিহনা আগবঢ়োৱা এই অঞ্চলৰ শ্ৰমিক লোকসকললৈ তেওঁৰ তৰফৰ পৰা এই এটা যৎসামান্য সন্মান প্ৰদৰ্শন বুলি চিকিৎসকগৰাকীয়ে মন্তব্য কৰে।
সভাপতিৰ ভাষণেৰে এই অনুষ্ঠানৰ সামৰণি পৰে।
