নাক, কাণ, ডিঙি বিশেষজ্ঞ, বৰঠাকুৰ ক্লিনিকৰ ডঃ বিথি বৰদলৈয়ে অহা ১৭ ফেব্ৰুৱাৰিত আবেলি ৩ বজাৰ পৰা গুৱাহাটী প্ৰে’ছ ক্লাবত হ’ব লগা সাপ্তাহিক অ’পিডি ক্লিনিকত সেৱা আগবঢ়াব।
সংবাদকৰ্মী আৰু তেওঁলোকৰ পৰিয়ালৰ লোকসকলে এই মীডিয়া ক্লিনিকটোত তেওঁলোকৰ নাক-কাণ-ডিঙি বিষয়ক সমস্যাসমূহ সম্পৰ্কে বিনামূলীয়াকৈ চিকিৎসকগৰাকীৰ পৰামৰ্শ ল’ব পাৰিব।
যোৱা শনিবাৰে এই ‘চিকিৎসকৰ সৈতে এসন্ধ্যা’ (Evening with a Doctor) শীৰ্ষক এই ক্লিনিকটোত অংশগ্ৰহণ কৰিছিল চেন্নাইৰ বিখ্যাত পেটৰ শল্য চিকিৎসক, চিমছ হচপিটেলৰ ডঃ পাট্টা ৰাধাকৃষ্ণই।
গুৱাহাটীৰ বিভিন্ন চৰকাৰী-বেচৰকাৰী চিকিৎসালয়ৰ লগতে দেশৰো বহুবিলাক আগশাৰীৰ চিকিৎসালয়ে ইতিপূৰ্বে এই সাপ্তাহিক মীডিয়া ক্লিনিকটোত সেৱা আগবঢ়াইছে।
