কালি ঘোষিত গুৱাহাটী বিশ্ববিদ্যালয়ৰ স্নাতক চূড়ান্ত পৰীক্ষাৰ ফলাফলত হোজাই ছোৱালী মহাবিদ্যালয়ৰ দুগৰাকী ছাত্ৰীয়ে বিশেষ সফলতাৰে মহাবিদ্যালয়খনলৈ গৌৰৱ কঢ়িয়াই আনিছে।
মহাবিদ্যালয়খনৰ মিতালী শৰ্মা নামৰ ছাত্ৰী গৰাকীয়ে বেংগলী বিভাগত প্ৰথম শ্ৰেণীৰ দ্বিতীয় স্থান লাভ কৰিবলৈ সক্ষম হয়। তেওঁ হোজাইৰ গোলাঘটীয়া বস্তিৰ কৌশিক শৰ্মাৰ কন্যা। উল্লেখযোগ্য যে মিতালীয়ে ৭৫.৪৭ শতাংশ নম্বৰ লাভ কৰি উক্ত স্থান দখল কৰে।
মিতালীৰ ওপৰি মহাবিদ্যলয়খনৰ হিন্দী বিভাগৰ পিংকী কুমাৰী গুপ্তাই প্ৰথম শ্ৰেণীৰ তৃতীয় স্থান দখল কৰিবলৈ সক্ষম হয়। ৭৬.৭০ শতাংশ নম্বৰ লাভ কৰা পিংকী হোজাই নতুন বজাৰৰ বাসিন্দা পান্না লাল গুপ্তাৰ কন্যা।
কৃতী ছাত্ৰী দুগৰাকীৰ এই সফলতাত তেওঁলোকৰ পৰিয়ালৰ লোকৰ লগতে মহাবিদ্যালয়খনৰ শিক্ষক-শিক্ষয়িত্ৰী তথা ছাত্ৰ-ছাত্ৰীয়ে আনন্দ প্ৰকাশ কৰিছে।