গোৱালপাৰাত চাৰিটাকৈ সংগঠনৰ ধৰ্ষণৰ বিৰুদ্ধে জোঁৰ সমদল
গোৱালপাৰাত দেওবাৰে এটা-দুটা নহয় চাৰিটাকৈ সংগঠনে ধৰ্ষণৰ বিৰুদ্ধে জোঁৰ সমদল উলিয়াই।
দেশৰ বিভিন্ন ঠাইৰ মহিলা, কিশোৰী, যুৱতী তথা নাবালিকাৰ ধর্ষণৰ লগত জড়িত ধৰ্ষণকাৰীক তথা হত্যাকাৰী সকলক ফাঁচী দিয়াৰ দাবীত দেওবাৰে চাৰিটাকৈ সংগঠনৰ সদস্যই চহৰখনত এক জোঁৰ সমদল বাহিৰ কৰে।
জিলাখনৰ এ আই এম এছ এছ, এ আই ডি ৱাই য়ু, এ আই ডি এচ য়ু আৰু কে য়ু এমএছ য়ু এম য়ু এলৰ জিলা কমিটিৰ কেইবাশতাধিক লোকে হাতে হাতে জোঁৰ লৈ চৰকাৰ বিৰোধী শ্ল’গানেৰে চহৰৰ মাজেৰে এই সমদল বাহিৰ কৰে।
সমদলটোত এগৰাকী জ্যেষ্ঠ সদস্যাই কয় যে আমি চৰকাৰক নাৰী নিৰ্যাতন বন্ধ কৰাৰ বাবে দাবী জনাইছো।
বিশেষকৈ কাশ্মীৰৰ নাবালিকা ধৰ্ষণৰ ঘটনাত সংগঠনকেইটাৰ প্ৰতিনিধি সকলে দুখ প্ৰকাশ কৰে। লগতে ৰাজ্যখনত বৃদ্ধি পোৱা নাৰী নিৰ্যাতন চৰকাৰক কঠোৰ হাতেৰে দমন কৰিবলৈ দাবী জনায়।