আজি কোকৰাঝাৰৰ বানৰগাঁও কমিউনিটি হলত য়ুনাইটেড পিপলছ পাৰ্টী লিবাৰেলৰ চমুকৈ য়ুপিপিএল কোকৰাঝাৰ জিলা সমিতিৰ এখন সাধাৰণ সভা অনুষ্ঠিত হয়। কোকৰাঝাৰ জিলা সমিতিৰ সভাপতি বিদ্যাধৰ ব্ৰহ্ম চৌধুৰীৰ সভাপতিত্বত অনুষ্ঠিত হোৱা সভাত দলটোৰ বিভিন্ন কাৰ্যকলাপ সম্বন্ধে আলোচনা কৰা হয়।
আজিৰ এই আলোচনাত বিটিচি পৰিষদৰ ১৫ নম্বৰ কাজলগাঁও সমষ্টিৰ সদস্য ৰোংৰা নাৰ্জাৰী, ৪ নম্বৰ জামডুৱাৰ সমষ্টিৰ জিৰন বসুমতাৰী, ৮ নম্বৰ ডতমা সমষ্টিৰ সদস্য জতিন্দ্ৰ ব্ৰহ্মৰ লগতে বহুতো বিশিষ্ট ব্যক্তি উপস্থিত থাকে।
আজিৰ এই বৈঠকৰ অন্তত ৮ নম্বৰ ডতমা সমষ্টিৰ সদস্য জতিন্দ্ৰ ব্ৰহ্মক সভাপতি আৰু ৰমেশ চন্দ্ৰ নাৰ্জাৰীক সম্পাদক আৰু বিভিন্ন উপ সমিতিসমূহৰ পৰা প্ৰায় ৩০০ সদস্যক লৈ এখন অভ্যৰ্থনা সমিতি গঠন কৰা হয়।
উল্লেখ্য যে আগন্তুক ২৯-৩০ ছেপ্তেম্বৰত কোকৰাঝাৰৰ বানৰগাঁওত অনুষ্ঠিত হ’বলগীয়া য়ুনাইটেড পিপলছ পাৰ্টী লিবাৰেলৰ তৃতীয় বাৰ্ষিক কেন্দ্ৰীয় অধিৱেশন উপলক্ষে উক্ত অভ্যৰ্থনা সমিতিখন গঠন কৰা হৈছে।