গুৱাহাটী বিশ্ববিদ্যালয়ৰ যোগাযোগ আৰু সাংবাদিকতা বিভাগে চলিত বৰ্ষৰ ৬ জুলাইৰ পৰা জয়পুৰত অনুষ্ঠিত কৰিব অল ইণ্ডিয়া মিডিয়া এডুকেটৰছ কনফাৰেন্স।
গুৱাহাটী বিশ্ববিদ্যালয়ে ৰাজস্থান বিশ্ববিদ্যালয়ৰ গণ সংযোগ কেন্দ্ৰ আৰু জয়পুৰৰ লোক সংবাদ সংস্থানৰ যৌথ সহযোগত তিনিদিনীয়া সন্মিলনখনৰ আয়োজন কৰিছে।
অনুষ্ঠানৰ বিষয়বস্তু হৈছে সংবাদ মাধ্যম আৰু প্ৰযুক্তিৰ ক্ষমতা : ভৱিষ্যত নিৰ্মাণ ( power of Media and Technology: Shaping the Future)।
সন্মিলনখনৰ উদ্দেশ্য হৈছে শিক্ষাবিদ আৰু গৱেষকসকলক গৱেষণা, অভিজ্ঞতা আৰু ধাৰণাৰ বিনিময়ৰ বাবে এখন মঞ্চ আগবঢ়োৱা। সন্মিলনৰ বিষয়বস্তুৰ ওপৰত গৱেষণা পত্ৰ তথা ধাৰণা পত্ৰ [email protected]. এই ই-মেইল যোগে দাখিল কৰিব পাৰিব। পঞ্জীয়নৰ অন্তিম তাৰিখ অহা ৩০ মাৰ্চ।
সন্মিলনৰ কেইটামান আকৰ্ষণীয় কাৰ্যসূচী হ’ল- মিডিয়া কুইজ প্ৰতিযোগিতা, ৰাজস্থান ভ্ৰমণ, শ্ৰেষ্ঠ গৱেষণা পত্ৰ পাঠ, লাইভ প্ৰদৰ্শন ইত্যাদি।
সংবাদ মাধ্যমৰ প্ৰশিক্ষক, যোগাযোগ ক্ষেত্ৰৰ বৃত্তিধাৰীসকল, সামাজিক আৰু স্বাস্থ্য কৰ্মী আৰু জনসম্পৰ্কৰক্ষী বৃত্তিধাৰীসকল, টিভি চেনেলৰ লোক, কন্টেন্ট ৰাইটাৰ্ছ ইত্যাদি ক্ষেত্ৰৰ লোকসকলে সন্মিলনখনত অংশ গ্ৰহণ কৰিব।