টিহুৰ সন্ধেলীত আজি দুপৰীয়া এগৰাকী ছাত্ৰীক পথৰ ওপৰত এজন যুৱকে শ্লীলতা হানিৰ চেষ্টা কৰা বুলি জানিব পৰা গৈছে।
প্ৰাপ্ত তথ্য মতে শুকুৰবাৰে সন্ধেস্থলীত বীণাপাণি হাই স্কুল ছুটীৰ পিছত সপ্তম শ্ৰেণীৰ এগৰাকী ছাত্ৰী গৃহাভিমুখে চাইকেলেৰ আহি আছিল। সেই সময়তে এজন যুৱকে মটৰচাইকেলেৰে আহি ছাত্ৰী গৰাকীক আগচি ধৰি শ্লীলতা হানিৰ চেষ্টা চলাই।
আনহাতে ছাত্ৰী গৰাকীয়ে যুৱকজনৰ কৱলৰ পৰা নিজকে ৰক্ষা কৰিবলৈ চিঞৰ-বাখৰ কৰিব লৈ ধৰে। ফলত স্থানীয় ৰাইজ ঘটনাস্থলীত উপস্থিত হৈ ছাত্ৰী গৰাকীক উদ্ধাৰ কৰাৰ লগতে যুৱকজনক উত্তম-মধ্যম শোধাই। আনাহেতএকাংশ ক্ষোভিত লেকে যুৱকজনে ব্যৱহাৰ কৰা এ এছ ১৪ ই ০৭২১ নম্বৰৰ মটৰচাইকেলখনো অগ্নি সংযোগ কৰি ভস্মীভূত কৰি পেলায়।
ইফালে ঘটনাৰ খবৰ লাভ কৰি ঘটনাস্থলীত এবলশৰ আৰক্ষী থানাৰ আৰক্ষী উপস্থিত হৈ যুৱকজনক আটক কৰাৰ লগতে ছাত্ৰী গৰাকীৰ স্বাস্থ্য পৰীক্ষা কৰাৰ ব্যৱস্থা কৰে।
আনহাতে যুৱকজন টিহু থানাৰ অন্তৰ্গত দলৈগাঁৱৰ ইব্ৰাহীম আলী ওৰফে মুকেব (২৪) বুলি আৰক্ষীয়ে জানিবলৈ দিয়ে।
